ۇكىمەت باسشىسى حابارلاعانداي، تۇركىستانعا ءبىر ايدان كەيىن پرەزيدەنت بارادى، وعان دەيىن بارلىق مەملەكەتتىك قىزمەتكەر قالاعا كوشۋى ءتيىس
قازاقستان پرەمەر-ءمينيسترى باقىتجان ساعىنتاەۆ تۇركىستان وبلىسىنا جۇمىس ساپارىمەن باردى. جينالىستا ول مەملەكەتتىك قىزمەتكەرلەرگە ءبىر ايدىڭ ىشىندە جاڭا وبلىس ورتالىعىنا قونىس اۋدارۋدى بۇيىردى.
پرەمەر-مينيستر جۇمىس ساپارى كەزىندە تۇركىستاندا الداعى ۋاقىتتا بوي كوتەرەتىن جاڭا اكىمشىلىك ىسكەرلىك ورتالىقتىڭ سىزباسىن كورىپ، جۇمىستاردىڭ جوسپارىمەن تانىستى.
باقىتجان ساعىنتاەۆتىڭ ايتۋىنشا، بۇعان دەيىن بولىنگەن قارجى تولىق يگەرىلگەن. تۇركىستاندى تۇلەتۋگە تاعى دا قازىنادان قاراجات بولىنبەك.
مينيسترلىك وكىلدەرىنىڭ باياندامالارىن تىڭداعان پرەمەر-مينيستر وبلىستىق دەنساۋلىق ساقتاۋ باسقارماسىنىڭ ءالى كۇنگە ورتالىققا قونىس اۋدارماعانىن ەستىگەندە اۋشىنا ءمىندى.
"مينيستر اقشا جوق دەپ قاراپ وتىرسا، ەشقاشان كوشپەيدى. ەلباسى ءبىر ايدان كەيىن كەلەدى، وسى جەردە وتىراتىن بولسىن. ءوزىڭىز باستاپ الىپ كەلەسىز", — دەپ تاپسىردى باقىتجان ساعىنتاەۆ.
وتىرىستا باقىتجان ساعىنتاەۆ قالانىڭ باس جوسپارىن بەكىتىپ، قۇرىلىسقا كىرىسۋدى تاپسىردى.
دەپ حابارلايدى Sputnik.
