"قىزىل اي" قوعامى قازاقستاندا 50 باس ءىرى قارانى قۇرباندىققا شالىپ، تاراتتى

3209
Adyrna.kz Telegram

قۇربان ايتتىڭ العاشقى كۇنى   "قىزىل اي" قوعامى قازاقستاندا 50 باس ءىرى قارانى قۇرباندىققا شالدى.  شىمكەنت تە 25, الماتى دا 25 ءىرى قارا. الماتىعا اكەلىنگەن 25 ءىرى قارا،  ەت كومبيناتىندا قاساپشىلار ىرىكتەپ بولىسىمەن، ءبىرىنشى  "جان ۇيا" بالالار ۇيىنە اپارىلدى.  بالالار ءۇيىنىڭ باسشىسى ءلاززات اسكەرعاليقىزى قوناقتاردى بۇگىنگى مەرەكەگە ارنايى جايىلعان داستارحاندا كۇتىپ الدى.  جارتىلاي جەتىم بالالار،  جارتىلاي مۇگەدەك بالالار تاربيەلەنىپ جاتقان "جان ۇيا"  بالالارىن قۋانتۋعا  تۇركيانىڭ قازاقستانداعى باس كونسۋلى رىزا قاعان يىلمازدىڭ ءوزى قاتىسىپ، ارنايى قۇربان ايت مەرەكەسىمەن قۇتىقتاپ قايتتى.

"بارشا قازاقستاندىقتاردى بۇگىنگى قۇربان ايت مەرەكەسىمەن قۇتىقتايمىز،  "جانۇيا"  بالالار ۇيىنە كونسۋلدىق قىزمەتكەرلەرى  بىرىنشى كەلۋىمىز ەمەس، بۇدان بۇرىن دا ءبىز جۇمىس ىستەپ كەلە جاتىرمىز. ازىرگە  بالالار ۇيىنە قاتىستى  بىر جوبا قولىمىزدا، قارجى قاراستىرىپ جاتىرمىز.   تۇركيا ەلىنەن كەلىپ وتىرعان "قىزىل اي" قوعامى  جىلدا مۇقتاج وتباسىلار مەن بالالار ءۇيىن نازاردان تىس قالدىرعان ەمەس. الماتى قالاسىندا دا بىرنەشە مەشىت بالالار ۇيىنە تاراتقالى وتىر" -, دەدى باس كونسۋل رىزا قاعان يىلماز مىرزا.

ارنايى تۇركيا ەلىنەن كەلگەن "قىزىل اي" قوعامى مۇشەلەرى شەنگيز يااردابەكشي مىرزا مەن فاتيما مەريچ يىلماز حانىم    مەشىتتەن وزگە ۇزىناعاش، اقجار، ت/ب  اۋىل اۋىلدارداعى مۇقتاج جانداردىڭ ۇيلەرىنە بارىپ، ەتتەن وزگە دە كىشىگىرىم سىيلىقتارىن تارتۋ ەتىپ،  وتباسىلاردى بۇگىنگى مەرەكەمەن قۇتىقتاپ قايتتى.

" قىزىل اي"  قوعامى جالپى العاندا 40 جۋىق مەملەكەتتە قۇرباندىق شالىپ جاتىر، جىلدا وسى ءداستۇردى قايتالايمىز. ىشىندە مۇسىلمان ەمەس مەملەكەتتەر دە بار. مۇقتاجدىق پەن قايىرىمدىلىق ءدىن تاڭدامايدى عوي، قۇربان ايتتان باسقا ۋاقىتتا دا قايىرىمدىلىق شارالارىن وتكىزىپ تۇرامىز" -دەيدى شەنگيز يااردابەكشي مىرزا.

ارينە "قىزىل اي" قوعامىنىڭ ساناۋلى ادامدارى از ۋاقىتتا وسىنشا ءىرى قارانى باۋىزداپ، تاراتىپ ۇلگەرە الماسى انىق، بۇل رەتتە احمەت زەكاي باسشىلىق ەتىپ وتىرعان "قوجا احمەت ياساۋي"  اتىنداعى ءبىلىم ۇيىمى مەن ەرىكتى جاستار توبى قاتىسىپ قايرىمدىلىق شاراعا ءوز ۇلەستەرىن قوستى.

ايدا قوجمامبەتوۆا 

پىكىرلەر