التىنبەك سارسەنبايۇلى اتىنداعى جۇلدە ءۇشىن رەسپۋبليكالىق بايقاۋ وتەدى

2207
Adyrna.kz Telegram

بايقاۋدىڭ ماقساتى:

-تاۋەلسىز قازاقستاننىڭ ىرگەتاسىن قالاپ، شاڭىراعىن كوتەرۋ ىسىنە ءوزىنىڭ ءومىرىن ارناعان مەملەكەت جانە قوعام قايراتكەرىنىڭ ەگەمەن ەل دامۋىنا سىڭىرگەن ەڭبەگىنە ءادىل باعا بەرۋ;

-ونەگەلى ءومىرىن بۇقارالىق اقپارات قۇرالدارى ارقىلى ناسيحاتتاۋ;

- ادىلدىك جولىندا شەيىت كەتكەن سۇڭعىلا ساياساتكەردىڭ مەملەكەتشىل بولمىسىن، ازاماتتىق-پاتريوتتىق تۇلعاسىن كەيىنگى ۇرپاققا ۇلگى ەتۋ;

-كوسەمسوز جانرىندا جازاتىن شىعارماشىل تۇلعالارعا قولداۋ كورسەتۋ.

بايقاۋعا ۇسىنىلاتىن تاقىرىپتار:

التىنبەك سارسەنبايۇلى-

-جۋرناليست ءھام رەداكتور;

- تاۋەلسىز قازاقستاننىڭ ىرگەتاسىن قالاسقان دەموكراتتىق كوزقاراستاعى مەملەكەت قايراتكەرى، ۇلت پاتريوتى ;

-ديپلومات;

-قازاقستاندا جاڭا قوعام ورناتۋ جولىنداعى ساياسي كۇرەسكەر;

- مەملەكەت بولاشاعىن بولجاي العان سۇڭعىلا ساياساتكەر;

-ادامگەرشىلىگى جوعارى، ازاماتتىق پوزيتسياسى ايقىن تۇلعا.

بايقاۋ تالاپتارى:

-تەك ەسسە جانرىندا جازىلعان شاعىن كوسەمسوز شىعارمالار قابىلدانادى;

-جازىلعان ەسسە 10 تامىزدان 10 قىركۇيەككە دەيىن ەل اۋماعىندا تارايتىن گازەت-جۋرنالدارعا، بۇقارالىق اقپارات قۇرالى رەتىندە تىركەلگەن سايتتارعا، ياكي بەس مىڭنان جوعارى جازىلۋشىسى بار الەۋمەتتىك جەلىلەردە جاريالانۋى كەرەك;

-جاريالانعان ەسسەنىڭ ەلەكترون نۇسقاسىن، سىلتەمەسىن ۇيىمداستىرۋ القاسىنا جولداۋ مىندەتتى;

-بايقاۋعا ءبىر اۆتوردان ءبىر عانا شىعارما قابىلدانادى;

-بايقاۋعا ادەپسىز سوزدەر ارالاسقان، سونداي-اق ءۇشىنشى تۇلعالاردىڭ ەتيكالىق نورمالارى مەن اۆتورلىق قۇقىقتارىن بۇزاتىن تۋىندىلار قابىلدانبايدى;

-بايقاۋعا قابىلدانعان جۇمىستار رەتسەنزيالانبايدى جانە قايتارىلمايدى.

-بايقاۋ جۇمىستارى MS Word فورماتىندا، Times New Rوman قارپىمەن، 14 كەگلمەن، 1,0 ارالىقتا تەرىلۋى كەرەك جانە 2022 جىلدىڭ 10 قىركۇيەگىنە دەيىن yessey0708@gmail.com ەلەكترون پوشتاسىنا جىبەرۋ قاجەت;

-اۆتور تۋرالى مالىمەت، بايلانىس دەرەكتەرى (ت.ا.ءا.، تۇراتىن مەكەن-جايى، تەلەفون ءنومىرى، ەلەكترون پوشتاسى، مەكەن-جايى، فوتوسۋرەت، اۆتور تۋرالى قىسقاشا اقپارات) شىعارمامەن قوسا جولدانادى.

بايقاۋ قورىتىندىسى:

ۇيىمداستىرۋ القاسى بايقاۋ ەرەجەسىندە كورسەتىلگەن تالاپتارعا ساي جولدانعان شىعارمالاردى قاراپ، التىنبەك سارسەنبايۇلى اتىنداعى سىيلىق يەگەرلەرىن ء(ۇش ورىن) ا.سارسەنبايۇلىنىڭ تۋعانىنا 60 جىل تولۋىنا وراي وتەتىن حالىقارالىق عىلىمي كونفەرەنتسيادا جاريالايدى جانە اقشالاي-زاتتاي سىيلىقپەن ماراپاتتايدى.

 

پىكىرلەر