الماتى قالاسىنىڭ تۇركسىب اۋدانىندا ەكى قاباتتى كافەدەن ءورت شىعىپ، جارىلىس قاۋپى تۋىندادى. توتەنشە جاعدايلار قىزمەتىنىڭ ماماندارى جەدەل ارەكەت ەتىپ، ىقتيمال اپاتتىڭ الدىن الدى، دەپ حابارلايدى “ادىرنا”.
وقيعا بۇگىن تاڭەرتەڭ ەرتە بولعان. ءورت سوندىرۋشىلەر جەتكەن كەزدە عيماراتتىڭ شاتىرى اشىق جالىنمەن جانىپ جاتقان. بارلاۋ بارىسىندا قوسالقى بولمەنىڭ دە وتقا ورانعانى انىقتالدى.
سونىمەن قاتار جالىننىڭ كورشى عيماراتقا تارالۋ قاۋپى بولعان. قۇتقارۋشىلاردىڭ ۇيلەسىمدى جۇمىسىنىڭ ارقاسىندا ءورتتىڭ كورشىلەس نىسانعا وتۋىنە جول بەرىلمەدى.
ء«ورتتى ءسوندىرۋ بارىسىندا قۇتقارۋشىلار ءارتۇرلى كولەمدەگى التى وتتەگى باللونىن الىپ شىقتى. وسىلايشا، ولاردىڭ جارىلۋ قاۋپىنىڭ الدىن الدى»، – دەپ حابارلادى الماتى قالاسىنىڭ توتەنشە جاعدايلار دەپارتامەنتى.
ءورت تولىق ءسوندىرىلدى. وقيعا سالدارىنان زارداپ شەككەندەر جوق. قازىرگى ۋاقىتتا ءورتتىڭ شىعۋ سەبەبى انىقتالىپ جاتىر.
