فوتو: t.me/news24kg
قىرعىزستاننىڭ قوعام قايراتكەرى، عالىم روزا ايتماتوۆا 89 جاسىندا دۇنيەدەن ءوتتى. بۇل تۋرالى قازاقپارات اگەنتتىگى جازدى، دەپ حابارلايدى “ادىرنا”.
روزا (روزەتتا) ايتماتوۆا — مەملەكەت جانە قوعام قايراتكەرى تورەقۇل ايتماتوۆتىڭ قىزى، ايگىلى قىرعىز جازۋشىسى شىڭعىس ايتماتوۆتىڭ قارىنداسى.
ول قىرعىزستاننىڭ ءبىلىم بەرۋ سالاسىنىڭ دامۋىنا ۇلەس قوسىپ، فيزيكا-ماتەماتيكا عىلىمدارىنىڭ كانديداتى دارەجەسىن العان. سونىمەن قاتار ايەلدەردىڭ قۇقىقتارىن قورعاۋ، ولاردىڭ قوعامداعى ءرولىن ارتتىرۋ جانە كوشباسشىلىق قابىلەتتەرىن دامىتۋ باعىتىندا جۇمىس ىستەگەن. روزا ايتماتوۆا «ايەلدەرگە كومەك كورسەتۋ ورتالىعىن» باسقارعان.
مادەنيەت پەن اعارتۋ سالاسىنا سىڭىرگەن ەڭبەگى ءۇشىن ول شىڭعىس ايتماتوۆ اتىنداعى سىيلىقتىڭ لاۋرەاتى اتانعان.
ەسكە سالساق، بۇعان دەيىن روزا ايتماتوۆا قىرعىزستان ۇكىمەتىنە ءوتىنىش جولداپ، 2028 جىلى اتاپ ءوتۋ جوسپارلانعان شىڭعىس ايتماتوۆتىڭ تۋعانىنا 100 جىل تولۋىنا ارنالعان مەرەيتويدى وتكىزبەۋدى سۇراعان بولاتىن.
