جولاۋشىلاردى قالادان شىعارعان تاكسي جۇرگىزۋشىسى ۇستالدى

3432
Adyrna.kz Telegram

الماتى پوليتسياسى جەكەلەگەن تاكسي جۇرگىزۋشىلەرىنىڭ جولاۋشىلاردى كارانتين ايماعىنان زاڭسىز شىعارىپ جۇرگەن سحەمالارىن انىقتادى، – دەپ حابارلايدى Polisia.kz.

بۇل باستاماشىل توپتا: الماتى جانە الماتى وبلىسىنىڭ شەكاراسىندا ورنالاسقان ەكى جەكە ءۇيدىڭ تاكسيستەرى مەن تۇرعىندارى بولدى. ەر ادامدار ازاماتتاردى قالادان وبلىسقا جانە كەرى قاراي تاسىمالداۋ سحەماسىن جاسادى.

“ول قالاي ارەكەت ەتتى؟ تاكسي جۇرگىزۋشىلەرىنىڭ ءبىرى شارتتى تۇردە قالادان كليەنت الىپ، ونى الاتاۋ اۋدانىنداعى تەرەكتى ىقشاماۋدانىندا ورنالاسقان جەكە ۇيگە الىپ بارادى. كليەنت ودان ءارى جاياۋ ءجۇرىپ، اۋلادان وتەدى، سودان كەيىن جالپى قاقپادان الماتى وبلىسىنىڭ قاراساي اۋدانى، كوكساي اۋىلىندا ورنالاسقان تاعى ءبىر جەكە عيماراتتىڭ اۋلاسىنا كىرەدى. جولاۋشىنى قاقپانىڭ ار جاعىندا تاعى ءبىر تاكسي جۇرگىزۋشىسى كۇتىپ تۇردى جانە ول كليەنتتى دىتتەگەن جەرىنە جەتكىزدى. مىسالى، جۇرگىزۋشىلەردىڭ قىزمەتى تالعارعا، 8 مىڭ تەڭگەدەن جوعارى. ال ەكى كورشىنىڭ ءوز اراسىندا كەلىسىمى بار. ءبىر ادامنىڭ ءبىر باعىتتا ءوتۋى ءۇشىن ولاردىڭ ارقايسىسى 3 مىڭ تەڭگەدەن الىپ وتىرعان”، – دەدى الماتى قالالىق پوليتسيا دەپارتامەنتى باسشىسىنىڭ ورىنباسارى بەرىك ابىلبەكوۆ.

وتكەن تۇندە “ترانزيتتىك بيزنەستىڭ” بارلىق قاتىسۋشىلارى ۇستالدى. ولاردىڭ ارقايسىسىنىڭ ارەكەتتەرىنە زاڭعا سايكەس شارالار مىندەتتى تۇردە قابىلدانعاننان كەيىن قۇقىقتىق باعا بەرىلەدى.

پىكىرلەر