يراك استاناسىندا وتكەن يسلام ىنتىماقتاستىعى ۇيىمى سىرتقى ىستەر مينيسترلەرى كەڭەسىنىڭ (يىۇ سىمك) 52-ءشى سەسسياسى بارىسىندا قازاقستان وكىلى، ەلشى باعدات امىرەەۆ يىۇ باس حاتشىسىنىڭ اكىمشىلىك جانە قارجى ماسەلەلەرى جونىندەگى ورىنباسارى لاۋازىمىنا ءبىراۋىزدان سايلاندى. بۇل تۋرالى 18 قازاندا ءسىم جازدى، دەپ حابارلايدى «ادىرنا» ءتىلشىسى.
وتىرىس اياسىندا ەلشى انت قابىلداپ، رەسمي تۇردە قىزمەتىنە كىرىستى.
قازاقستان وكىلىنىڭ بۇۇ-دان كەيىن مۇشە مەملەكەتتەرىنىڭ سانى بويىنشا ەكىنشى ورىندا تۇرعان ۇكىمەتارالىق ۇيىم – يىۇ باس حاتشىلىعىنداعى باسشىلىق لاۋازىمداردىڭ بىرىنە سايلانۋى ۇيىمعا مۇشە مەملەكەتتەردىڭ قازاقستانعا دەگەن جوعارى سەنىمىن جانە ەلىمىزدىڭ كوپجاقتى ىنتىماقتاستىقتى نىعايتۋعا قوسقان ۇلەسىن مويىندايتىنىن كورسەتەدى. بۇل شەشىم قازاقستان مەن يىۇ اراسىنداعى ءوزارا ءىس-قيمىلدى ودان ءارى دامىتۋعا جانە ۇيىمعا مۇشە مەملەكەتتەردىڭ مۇددەسىنە ساي بىرلەسكەن باستامالاردى ىلگەرىلەتۋگە ىقپال ەتەتىن بولادى.
