رەسەي مەن ۋكراينا ەنەرگەتيكالىق نىساندارعا شابۋىل جاساماۋ تۋرالى كەلىسىمگە كەلدى. بۇل تۋرالى اقش پرەزيدەنتى دونالد ترامپ Truth Social الەۋمەتتىك جەلىسىندە ايتتى، دەپ حابارلايدى “ادىرنا”.
«وسى ساتتەن باستاپ رەسەي مەن ۋكراينا اراسىنداعى سوعىستا ەنەرگەتيكالىق ءبىتىم كۇشىنە ەنەدى. ەكى تاراپ تا كەلىستى. ونى بۇزباڭىزدار!» – دەپ جازدى اقش باسشىسى.
ايتا كەتەيىك، 10 قازاندا جۋرناليستەرمەن اڭگىمەلەسۋ كەزىندە اقش پرەزيدەنتى دونالد ترامپ زەلەنسكيدىڭ سوعىستى توقتاتۋعا بىرنەشە رەت مۇمكىندىگى بولعانىن، الايدا ول ۇسىنىستاردى پايدالانباعانىن ايتتى. سونىمەن قاتار، زەلەنسكيدىڭ ورنىنا ماسكەۋمەن كەلىسسوز جۇرگىزە الاتىن جاڭا باسشى اۋىسۋى كەرەگىن ۇسىنعان ەدى.
«مەن ولارعا كەلىسىمگە كەلە الاتىن جاڭا باسشى تابۋعا كەڭەس بەرەمىن. زەلەنسكيدىڭ بىرنەشە رەت كەلىسىم جاساۋعا مۇمكىندىگى بولدى. بىراق قانداي دا ءبىر سەبەپپەن ول مۇنى ىستەمەدى. مەنىڭشە، ۋكرايناعا جاڭا پرەزيدەنت سايلايتىن ۋاقىت كەلدى»، – دەگەن ەدى ترامپ.
ال زەلەنسكي ەگەر رەسەي 60 كۇن سوققى جاساۋىن توقتاتسا، ۋكراينا پرەزيدەنت سايلاۋىن وتكىزەتىنىن ايتقان بولاتىن.
