ماروككو تاريحىندا العاش رەت ۇكىمەت باسشىلىعىنا ايەل ادام تاعايىندالدى، دەپ حابارلايدى “ادىرنا”.
29 قىركۇيەكتە كورول مۇحاممەد VI 50 جاستاعى فاتيما زاحرا ەل-ءمانسۋريدى ۇكىمەت باسشىسى ەتىپ تاعايىنداپ، جاڭا ۇكىمەتتى جاساقتاۋدى تاپسىردى.
فاتيما زاحرا ەل-مانسۋري — زاڭگەر، بۇرىنعى مينيستر ءارى مارراكەش قالاسىنىڭ مەرى. ول 2009 جىلى وسى قالاعا العاش رەت ايەل مەر بولىپ سايلانعان. 2021 جىلدان باستاپ ۇلتتىق اۋماقتىق جوسپارلاۋ، قالا قۇرىلىسى جانە تۇرعىن ءۇي ساياساتى ءمينيسترى قىزمەتىن اتقاردى.
ەل-مانسۋري جەتەكشىلىك ەتەتىن اۋتەنتتىلىك جانە قازىرگى زامان پارتياسى 23 قىركۇيەكتە وتكەن پارلامەنت سايلاۋىندا 395 ورىننىڭ 97-ءسىن يەلەنىپ، ەڭ كوپ ماندات العان ساياسي كۇش بولدى. الايدا ۇكىمەتتى ءوز بەتىنشە جاساقتاۋعا بۇل جەتكىلىكسىز، سوندىقتان جاڭا ۇكىمەت باسشىسى كواليتسيا قۇرۋى كەرەك.
جاڭا ۇكىمەتتىڭ كۇن تارتىبىندە حالىقتىڭ تۇرمىس دەڭگەيىن ارتتىرۋ، جۇمىسپەن قامتۋ ماسەلەلەرى جانە 2030 جىلعى فۋتبولدان الەم چەمپيوناتىنا دايىندىق بار. ماروككو ءتۋرنيردى يسپانيا جانە پورتۋگاليامەن بىرگە وتكىزەدى.
