3 قازان – تۇركى حالىقتارىنىڭ ىنتىماقتاستىعى كۇنى. بۇل اتاۋلى كۇن 2011 جىلدان بەرى اتاپ وتىلەدى، دەپ حابارلايدى "ادىرنا".
وسىدان 17 جىل بۇرىن، 2009 جىلعى 3 قازاندا ناحچىۆان قالاسىندا تۇركىتىلدەس مەملەكەتتەردىڭ ىنتىماقتاستىق كەڭەسىن قۇرۋ تۋرالى كەلىسىمگە قول قويىلدى. كەيىن بۇل ۇيىم تۇركى مەملەكەتتەرى ۇيىمى بوپ قايتا قۇرىلدى.
ناحچىۆان كەلىسىمىنە باستاپقىدا قازاقستان، ازەربايجان، قىرعىزستان جانە تۇركيا قول قويعان. 2018 جىلى وزبەكستان ۇيىمنىڭ تولىققاندى مۇشەسى اتاندى. ۆەنگريا باقىلاۋشى مارتەبەسىن الدى. ال 2021 جىلى تۇرىكمەنستان ۇيىمعا باقىلاۋشى مەملەكەت رەتىندە قوسىلدى.
تۇركى مەملەكەتتەرى ۇيىمى ورتاق تاريح، ءتىل، مادەنيەت جانە بىرەگەيلىك نەگىزىندە ىنتىماقتاستىقتى نىعايتۋعا باعىتتالعان. ۇيىم اياسىندا كولىك-ترانزيت، ەكونوميكا، ەكولوگيا، عىلىم، ءبىلىم، ونەر، تۋريزم، سپورت جانە گۋمانيتارلىق بايلانىستار بويىنشا بىرلەسكەن جۇمىستار جۇرگىزىلەدى.
