يران اقش تاراپىنان سانكتسيالىق رەجيمدى جەڭىلدەتۋ ەسەبىنەن ۋراندى بايىتۋدى ۋاقىتشا توقتاتۋعا كەلىستى. مۇنداي مالىمدەمەنى Al Hadath تەلەارناسى جاسادى، دەپ حابارلايدى «ادىرنا» ءتىلشىسى.
تەلەارنانىڭ پاكىستانداعى دەرەككوزدەرىنىڭ مالىمەتىنشە، بۇعان يران مەن اقش اراسىنداعى كەلىسسوزدەرگە اراعايىندىق جاساعان دەلدالدار ىقپال ەتكەن. ازىرگە يراننىڭ رەسمي وكىلدەرى Al Hadath جاريالاعان اقپاراتقا قاتىستى پىكىر بىلدىرگەن جوق.
دۇيسەنبى كۇنى Axios پورتالى مەن ءيزرايلدىڭ 12-ارناسىنىڭ ءتىلشىسى باراك راۆيد اقش-تاعى لاۋازىمدى تۇلعاعا سىلتەمە جاساپ، دونالد ترامپتىڭ يرانعا قارسى سانكتسيالاردى جەڭىلدەتۋگە جانە ەلدىڭ بۇعاتتالعان اكتيۆتەرىن بوساتۋعا دايىن ەكەنىن حابارلاعان. ونىڭ ايتۋىنشا، بۇل قادام تەگەران اقش-تىڭ يسلام رەسپۋبليكاسىنىڭ يادرولىق باعدارلاماسىنا قاتىستى تالاپتارىن ورىنداعان جاعدايدا جۇزەگە اسۋى مۇمكىن.
