24 قازانعا قاراعان ءتۇنى اقتاۋ قالاسىندا جول اپاتى تىركەلدى، دەپ حابارلايدى "ادىرنا" ۇلتتىق پورتالى Lada.kz-كە سىلتەمە جاساپ.
13 پەن 14 شاعىناۋداندار اراسىنداعى تاسجولدا Toyota Camry كولىگى جول جيەگىندە تۇرعان ارنايى تەحنيكا - جۇك تيەگىشكە سوعىلعان. سوققىنىڭ قاتتى بولعانى سونشالىق، جۇرگىزۋشى وقيعا ورنىندا قازا تاپقان.
اقپاراتقا سۇيەنسەك، كولىك جۇرگىزۋشىسى پوليتسيا قىزمەتكەرى بولعان. ول اپات كەزىندە دەمالىستا جۇرگەن جانە قىزمەتتىك مىندەتىن اتقارماعان.
پوليتسيا دەپارتامەنتى مالىمەتىنشە، ساراپتاما قورىتىندىسى جۇرگىزۋشىنىڭ اپات ساتىندە مۇلدە ماس بولماعانىن كورسەتكەن.
كولىكتە تاعى ءبىر جولاۋشى بولعان. ول ءتۇرلى جاراقات الىپ، اۋىر جاعدايدا اۋرۋحاناعا جەتكىزىلگەن. كەي دەرەكتەرگە سۇيەنسەك، ول دا پوليتسيا قىزمەتكەرى بولۋى مۇمكىن. الايدا بۇل اقپاراتتى ماڭعىستاۋ وبلىستىق پوليتسيا دەپارتامەنتىنىڭ ءباسپاسوز قىزمەتى ازىرگە راستاعان جوق.
