جامبىل وبلىسىندا ەكس-دەپۋتات باقىتجان بازاربەك قاعىپ كەتكەن 36 جاستاعى نۇرجىگىت قوشانوۆ اۋرۋحانادان شىعارىلدى، دەپ حابارلايدى «ادىرنا» ءتىلشىسى.
ناۋقاستىڭ اۋرۋحانادان شىققان ءساتىن بۇرىنعى ماجىلىسمەن Instagram پاراقشاسىنداعى Stories بولىمىندە جاريالادى. ونىڭ ايتۋىنشا، زارداپ شەگۋشى اپاتتان كەيىن 31 كۇن وتكەن سوڭ اۋرۋحانادان شىققان.
«نۇرجىگىتتى تاراز قالاسىنىڭ قالالىق كوپبەيىندى اۋرۋحاناسىنان شىعاردىق»،– دەدى بازاربەك.
جامبىل وبلىسىنداعى جول اپاتى 15 تامىزدا كەشكى ساعات سەگىزدەر شاماسىندا بولعان ەدى. پوليتسيانىڭ الدىن الا مالىمەتىنشە، Toyota كولىگىن باسقارعان باقىتجان بازاربەك رەسپۋبليكالىق ماڭىزى بار تاسجولدىڭ جۇرگىن بولىگىندە بولعان 36 جاستاعى ەر ادامدى قاعىپ كەتكەن. دارىگەرلەر ناۋقاستىڭ جاعدايى اسا اۋىر ەكەنىن جەتكىزدى. كەيىن ەكس-دەپۋتات جول اپاتىنان زارداپ شەككەن ازاماتتىڭ تۋىستارىمەن بىرگە تۇسكەن بەينەجازبانى جاريالادى. تامىز ايىنىڭ سوڭىندا نۇرجىگىت قوشانوۆ قۇلان اۋىلىنداعى اۋرۋحانادان تاراز قالالىق اۋرۋحاناسىنا اۋىستىرىلدى. ول 24 كۇننەن كەيىن كومادان شىققان.
