قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ 21 جاستاعى ۇلى تاۋمان نازارباەۆتىڭ ۇيلەنەتىنى تۋرالى اقپارات تارادى، دەپ حابارلايدى "ادىرنا" Ulysmedia.kz-كە سىلتەپ.
باسىلىمنىڭ مالىمەتىنشە، ۇيلەنۋ تويى استاناداعى تhe Ritz-Carlton, Astana قوناقۇيىندە ءوتۋى مۇمكىن. تويعا كاسىپكەرلەر، ساياساتكەرلەر جانە نۇرسۇلتان نازارباەۆ پرەزيدەنت بولعان كەزەڭدە جوعارى لاۋازىمدى قىزمەتتەر اتقارعان تۇلعالاردىڭ قاتىسۋى كۇتىلەدى. سونداي-اق قوناقۇي اۋماعىندا قاۋىپسىزدىك شارالارى كۇشەيتىلگەنى ايتىلعان.
تاۋمان نازارباەۆتىڭ قالىڭدىعى تۋرالى اقپارات تارامادى. دەگەنمەن، بۇعان دەيىن باق بەتىندە ونىڭ جەكە ومىرىنە قاتىستى اقپارات تاراعان.
2023 جىلدىڭ كوكتەمىندە عالامتوردا تاۋمان نازارباەۆتىڭ انادەل مايدانوۆامەن اتاستىرىلعانى تۋرالى اقپارات تاراعان.
انادەل مايدانوۆا – اتوم ەنەرگياسى جونىندەگى اگەنتتىگىنىڭ توراعاسى الماسادام ساتقاليەۆتىڭ قىزى.
كەيىن مينيسترلىك بۇل اقپاراتتى جوققا شىعارىپ، تاۋمان نازارباەۆ پەن انادەل مايدانوۆانىڭ سىنىپتاس ەكەنىن حابارلاعان.
تاۋمان نازارباەۆ 2005 جىلى دۇنيەگە كەلگەن. ونىڭ اناسى - اسەل يساباەۆا، بۇعان دەيىن اسەل قۇرمانباەۆا دەگەن اتىمەن دە بەلگىلى بولعان. ول 1999 جىلى «ميسس قازاقستان» اتاعىن يەلەنگەن.
نۇرسۇلتان نازارباەۆ ءوزىنىڭ «مەنىڭ ءومىرىم. تاۋەلدىلىكتەن ەركىندىككە» اتتى مەمۋارىندا اسەل يساباەۆامەن مۇسىلماندىق سالت بويىنشا نەكەگە تۇرعانىن جازعان. وسى نەكەدەن تاۋمان جانە بايكەن ەسىمدى ەكى ۇلى دۇنيەگە كەلگەن.
ايتا كەتەيىك، بۇعان دەيىن نازارباەۆتىڭ دەنساۋلىعىنا بايلانىستى قۇرىلتاي سايلاۋىنا ۇيدەن داۋىس بەرگەنى تۋرالى اقپارات تاراتتىق.
