Qazaqstannyŋ būrynǧy prezidentı Nūrsūltan Nazarbaevtyŋ 21 jastaǧy ūly Tauman Nazarbaevtyŋ üilenetını turaly aqparat tarady, dep habarlaidy "Adyrna" Ulysmedia.kz-ke sıltep.
Basylymnyŋ mälımetınşe, üilenu toiy Astanadaǧy The Ritz-Carlton, Astana qonaqüiınde ötuı mümkın. Toiǧa käsıpkerler, saiasatkerler jäne Nūrsūltan Nazarbaev prezident bolǧan kezeŋde joǧary lauazymdy qyzmetter atqarǧan tūlǧalardyŋ qatysuy kütıledı. Sondai-aq qonaqüi aumaǧynda qauıpsızdık şaralary küşeitılgenı aitylǧan.
Tauman Nazarbaevtyŋ qalyŋdyǧy turaly aqparat taramady. Degenmen, būǧan deiın BAQ betınde onyŋ jeke ömırıne qatysty aqparat taraǧan.
2023 jyldyŋ köktemınde ǧalamtorda Tauman Nazarbaevtyŋ Anadel Maidanovamen atastyrylǧany turaly aqparat taraǧan.
Anadel Maidanova – atom energiiasy jönındegı agenttıgınıŋ töraǧasy Almasadam Sätqalievtıŋ qyzy.
Keiın ministrlık būl aqparatty joqqa şyǧaryp, Tauman Nazarbaev pen Anadel Maidanovanyŋ synyptas ekenın habarlaǧan.
Tauman Nazarbaev 2005 jyly düniege kelgen. Onyŋ anasy - Äsel İsabaeva, būǧan deiın Äsel Qūrmanbaeva degen atymen de belgılı bolǧan. Ol 1999 jyly «Miss Qazaqstan» ataǧyn ielengen.
Nūrsūltan Nazarbaev özınıŋ «Menıŋ ömırım. Täueldılıkten erkındıkke» atty memuarynda Äsel İsabaevamen mūsylmandyq salt boiynşa nekege tūrǧanyn jazǧan. Osy nekeden Tauman jäne Baiken esımdı ekı ūly düniege kelgen.
Aita keteiık, būǧan deiın Nazarbaevtyŋ densaulyǧyna bailanysty Qūryltai sailauyna üiden dauys bergenı turaly aqparat tarattyq.
