قاراعاندى وبلىسىندا تەمىرجول جولىندا ەر ادامدى پويىز قاعىپ، قازا تاپتى، دەپ حابارلايدى "ادىرنا" ءتىلشىسى.
وقيعا 1 قىركۇيەكتە بولعان. بۇل اقپاراتتى كولىكتەگى پوليتسيا دەپارتامەنتى راستادى.
پوليتسيا مالىمەتىنشە، «قاراعاندى – سورتيروۆوچنىي» ستانتسياسىندا بولعان وقيعاعا بايلانىستى قىلمىستىق ءىس قوزعالدى. ءىس تەمىرجول كولىگىنىڭ قوزعالىسى نەمەسە ونى پايدالانۋ قاۋىپسىزدىگى تالاپتارىن بۇزۋ فاكتىسى بويىنشا تەرگەلىپ جاتىر.
قازىرگى ۋاقىتتا وقيعانىڭ ءمان-جايىن انىقتاۋعا باعىتتالعان تەرگەۋ امالدارى جۇرگىزىلۋدە.
ۇقساس جاڭالىقتار
