ەۋروپالىق حابار تاراتۋ وداعى (EBU) اسكەري قاقتىعىستارعا قاتىسىپ جاتقان ەلدەرگە «ەۆروۆيدەنيە» ءان بايقاۋىن وتكىزۋگە رەسمي تۇردە تىيىم سالدى، دەپ حابارلايدى «ادىرنا» ءتىلشىسى DW-گە سىلتەمە جاساپ.
ايتۋلارىنشا، حالىقارالىق ءان بايقاۋىن وتكىزۋ ەرەجەلەرىنە وزگەرىستەر ەنگىزىلگەن.
جاڭا ەرەجەگە سايكەس، وكىلى «ەۆروۆيدەنيەدە» جەڭىسكە جەتكەن ەلدىڭ اۋماعىندا نەمەسە وعان تىكەلەي ىرگەلەس وڭىردە قارۋلى قاقتىعىس نە كۇردەلى گەوساياسي جاعداي قاۋىپسىزدىككە ەلەۋلى اسەر ەتسە، بۇل ەل كەلەسى جىلى بايقاۋدى ءوز اۋماعىندا وتكىزۋ قۇقىعىنان اۆتوماتتى تۇردە ايىرىلادى.
«قاجەت بولعان جاعدايدا EBU جەڭىمپاز ەلدەگى قاۋىپسىزدىك دەڭگەيىنە تاۋەلسىز باعالاۋ جۇرگىزۋگە باستاماشىلىق ەتە الادى. باعالاۋ ناتيجەلەرى بويىنشا EBU رەفەرەنتتىك توپپەن بىرلەسىپ، جەڭىمپاز ەلدىڭ حابار تاراتۋشى ۇيىمى بايقاۋدى قاۋىپسىز وتكىزە الاتىنىن انىقتايدى. ەگەر بۇل ۇيىمنىڭ بايقاۋدى قابىلداۋعا مۇمكىندىگى جوق دەپ تانىلسا، EBU ۇيىمداستىرۋشى رەتىندە بالاما حابار تاراتۋشىنى بەلگىلەيدى»، – دەلىنگەن ەرەجەنىڭ جاڭا رەداكتسياسىندا.
ەسكە سالايىق، مامىر ايىندا يسپانيا، يسلانديا، يرلانديا، سلوۆەنيا جانە نيدەرلاند يزرايلگە بايقاۋعا قايتا قاتىسۋعا رۇقسات بەرىلگەننەن كەيىن ەۋروپانىڭ باستى ءان بايقاۋىنا بويكوت جاريالاۋ تۋرالى شەشىم قابىلداعان ەدى.
