AQŞ prezidentı Donald Tramp İrannyŋ soǧys kezınde keltırılgen şyǧyndy öteu turaly talabyna jauap berdı, dep habarlaidy “Adyrna” tılşısı.
Ol Tegerannan da ötemaqy talap ettı.
8 tamyzda İrannyŋ joǧary ūlttyq qauıpsızdık keŋesınıŋ hatşysy Mohammad Baker Zolkadr AQŞ-tan İran porttaryna qoiylǧan teŋız blokadasyn alyp tastaudy, sanksiialardy joiudy, būǧattalǧan aktivterdı bosatudy jäne soǧys saldarynan keltırılgen şyǧyndy öteudı talap etken. Onyŋ aituynşa, Vaşington saiasatyn özgertpeiınşe, İran Ormuz būǧazyn aşpaidy.
10 tamyzda İran syrtqy ıster ministrlıgınıŋ resmi ökılı İsmail Bagai da AQŞ-tan «zaŋsyz jäne qiratuşy äreketterı» üşın ötemaqy töleudı talap ettı.
Būǧan jauap retınde Tramp İrannan amerikalyqtarǧa keltırılgen şyǧyn üşın ötemaqy talap etetının mälımdedı. Ol būl mäselenı bolaşaq kelıssözderge mındettı türde engızudı tapsyrǧanyn aitty.
Tramptyŋ sözınşe, ötemaqy İrannyŋ türlı qaqtyǧystar kezınde qaza tapqan jäne jaralanǧan amerikalyqtarǧa, sondai-aq İrandaǧy narazylyqtarda qaza bolǧan adamdardyŋ otbasylaryna qatysty boluy tiıs.
AQŞ prezidentı būl talaptardy özınıŋ Truth Social paraqşasynda jariialady.
