2031 جىلعا دەيىن مەملەكەتكە زاڭسىز جولمەن الىنعان 2 ملرد دوللارلىق مۇلىك قايتارىلۋى ءتيىس. بۇل تۋرالى ارمەنيا پرەمەر-ءمينيسترى نيكول پاشينيان ۇكىمەت وتىرىسىندا مالىمدەدى، دەپ حابارلايدى «ادىرنا» ءتىلشىسى Caliber.Az اگەنتتىگىنە سىلتەمە جاساپ.
ونىڭ ايتۋىنشا، زاڭسىز الىنعان اقشا قاراجاتى مەن جىلجىمايتىن مۇلىكتى تاركىلەۋگە قاتىستى قۇقىقتىق تەتىكتەردىڭ تولىققاندى ىسكە قوسىلۋىنا بايلانىستى بۇل ماقساتقا قول جەتكىزۋ مۇمكىندىگى ارتىپ كەلەدى. اتالعان تەتىكتەر شامامەن سەگىز جىل بويى، 2025 جىلدىڭ سوڭىنا دەيىن قالىپتاسۋ كەزەڭىندە بولعان.
«بۇل ارالىقتا كونستيتۋتسيالىق سوتتىڭ ءتيىستى شەشىمى مەن بىرقاتار قۇقىقتىق اكت قابىلداندى. ەندى ولار كۇشىنە ەنىپ، جۇمىس ىستەي باستادى. سوندىقتان 2031 جىلعا دەيىن كورسەتىلگەن ناتيجەگە قول جەتكىزۋ قاجەت»،–دەدى پاشينيان.
پرەمەر-مينيستر بۇل ماقساتتاردىڭ 2026–2031 جىلدارعا ارنالعان ۇكىمەت باعدارلاماسىندا دا بەكىتىلگەنىن ايتتى. اتالعان باعدارلاما ءبىر كۇن بۇرىن پرەمەر-ءمينيستردىڭ قاتىسۋىمەن تالقىلانعان ەدى.
