«زاڭ مەن ءتارتىپ» قاعيداتى اياسىندا قىزىلوردا قالاسىنىڭ ورتالىق الاڭىندا وتكەن Open Air اشىق اسپان استىنداعى كونتسەرتكە 20 مىڭنان استام تۇرعىن مەن قالا قوناقتارى قاتىستى.
ءىس-شارا بارىسىندا قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋ ماقساتىندا قىزىلوردا وبلىسى پوليتسيا دەپارتامەنتىنىڭ، قازاقستان رەسپۋبليكاسى ۇلتتىق ۇلانىنىڭ جانە توتەنشە جاعدايلار دەپارتامەنتىنىڭ 500-گە جۋىق قىزمەتكەرى كۇشەيتىلگەن رەجيمدە قىزمەت اتقاردى.
كونتسەرت باستالار الدىندا قوعامدىق قاۋىپسىزدىكتى قامتاماسىز ەتۋگە جۇمىلدىرىلعان جەكە قۇرامنىڭ قاتىسۋىمەن گارنيزوندىق ساپتىق جيىن وتكىزىلىپ، قىزمەتكەرلەرگە ناقتى مىندەتتەر جۇكتەلدى.
كونتسەرت بارىسىندا پوليتسيا قىزمەتكەرلەرى ادامدار كوپ شوعىرلانعان اۋماقتاردى ۇزدىكسىز باقىلاۋدا ۇستاپ، قۇقىق بۇزۋشىلىقتاردىڭ الدىن الۋ، جول قوزعالىسىن رەتتەۋ جانە كەز كەلگەن توتەنشە جاعدايعا جەدەل دەن قويۋ باعىتىندا قىزمەت اتقاردى.
سونىمەن قاتار، ءىس-شارا كەزىندە اتا-اناسىنان اداسىپ قالعان 80-گە جۋىق بالا پوليتسيا قىزمەتكەرلەرىنىڭ جەدەل ارەكەتىنىڭ ناتيجەسىندە دەر كەزىندە تابىلىپ، امان-ەسەن اتا-انالارىنا قايتارىلدى.
پوليتسيا قىزمەتكەرلەرىنىڭ ۇيلەسىمدى ءارى كاسىبي جۇمىسىنىڭ ناتيجەسىندە كونتسەرت جوعارى دەڭگەيدە ءوتىپ، قوعامدىق ءتارتىپ بۇزىلماي، تۇرعىندار مەن قالا قوناقتارىنىڭ قاۋىپسىزدىگى تولىق قامتاماسىز ەتىلدى.
كەشتىڭ شارىقتاۋ ساتىندە 500-دەن استام دروننىڭ قاتىسۋىمەن ۇيىمداستىرىلعان اسەرلى جارىق شوۋى كورەرمەندەرگە ەرەكشە اسەر سىيلاپ، مەرەكەلىك كەشتىڭ جارقىن قورىتىندىسىنا اينالدى.
زاڭ مەن ءتارتىپ – قاۋىپسىز قوعامنىڭ جانە ءاربىر ازاماتتىڭ تىنىشتىعىنىڭ بەرىك كەپىلى.
