قۇرىلتاي دەپۋتاتتارىن سايلاۋ الدىنداعى ناۋقان باستالعاننان كەيىن ساراپشىلاردىڭ نازارى پارتيالاردىڭ سايلاۋالدى باعدارلامالارىنا اۋدى. العاشقى اپتادان – اق «ادىلەت» پارتياسىنىڭ «ادىلەتتى بولاشاق ءۇشىن» اتتى باعدارلاماسى كەڭىنەن تالقىلاندى. بەلگىلى ساياساتتانۋشىلار، ەكونوميستەر مەن سالالىق ساراپشىلار قۇجاتتى جان-جاقتى سارالاپ، ونىڭ مازمۇنىن تارازىلادى. كوپشىلىگىنىڭ پىكىرىنشە، وسى سايلاۋدا «ادىلەت» پارتياسىنىڭ ءباسى باسىم.
ساياساتتانۋشى گازيز ابىشەۆ «ادىلەت» پارتياسىن وسى ساياسي ماۋسىمنىڭ ءفاۆوريتى دەپ اتاپ، ونىڭ كادرلىق قۇرامى مەن الەۋەتىنە ەرەكشە توقتالدى. ونىڭ ايتۋىنشا، پارتيانىڭ سايلاۋ تىزىمىنە مەملەكەتتىك باسقارۋ ىسىندە تاجىريبەسى مول ماماندارمەن قاتار، زاڭگەرلەر، سونداي-اق مەتاللۋرگيا، ەنەرگەتيكا جانە اگروونەركاسىپ كەشەنىندە ەڭبەك ەتىپ جۇرگەن كاسىبي ماماندار ەنگەن.
ساياساتتانۋشى دانيار اشىمباەۆ قۇجاتتىڭ مازمۇنىنا، العا قويعان ماقساتتارىنىڭ اۋقىمىنا جانە وندا كوزدەلگەن مىندەتتەردىڭ مەملەكەت باسشىسىنىڭ ستراتەگيالىق باعىتىمەن ساباقتاساتىنىنا نازار اۋداردى.
«كەز كەلگەن پارتيانىڭ جەڭىسكە جەتۋى ءۇشىن ءۇش نارسە قاجەت: رەسۋرستىق الەۋەت، بىلىكتى كانديداتتار قۇرامى جانە سالماقتى باعدارلاما. «ادىلەت» پارتياسى پرەزيدەنت قاسىم-جومارت توقاەۆتىڭ ساياسي باعىتىن نەگىزگە الا وتىرىپ، قوعامداعى الەۋمەتتىك سۇرانىستارعا جاۋاپ بەرۋگە ۇمتىلعان»، – دەدى ول.
ساراپشىلار پارتيا باعدارلاماسىنىڭ باستى ەرەكشەلىگى رەتىندە ونىڭ پوپۋليستىك ۋادەلەردەن گورى مەملەكەتتىك ينستيتۋتتاردى نىعايتۋعا، زاڭ ۇستەمدىگىن قامتاماسىز ەتۋگە، شىنايى ناتيجە شىعارۋعا باسىمدىق بەرگەنىن ايتادى.
ساياساتتانۋشى ءادىل كاۋكەنوۆ باعدارلامانىڭ وسى قىرىن اشىپ ايتتى.
«باعدارلامادا ەڭ الدىمەن قۇندىلىقتار مەن مەملەكەتتىك ينستيتۋتتارعا باسىمدىق بەرىلگەن. بۇل بىردەن كوزگە تۇسەدى. اۆتورلار قازاقستاننىڭ باستى ماسەلەسى رەسۋرستىڭ تاپشىلىعىندا ەمەس، مەملەكەتتىك ينستيتۋتتاردىڭ ساپاسى مەن ساياسي مادەنيەتتە ەكەنىن ايتقان. ادىلەتتىكتەر ۇرانداتقان ۋادەلەردىڭ ورنىنا ماقساتتى كورسەتكىشتەردى ۇسىنعان. بۇل ولاردىڭ سايلاۋشىلارمەن اشىق سويلەسۋگە دايىن ەكەنىن كورسەتەدى. سونداي-اق پارتيانىڭ ءوز مىندەتتەمەلەرى ءۇشىن جاۋاپكەرشىلىك الۋعا ءازىر ەكەنىن اڭعارتادى»، – دەدى ول.
ساياساتتانۋشى يسلام كۋراەۆ تا جاۋاپكەرشىلىك ماسەلەسىنە توقتالدى. ونىڭ ايتۋىنشا، باعدارلامادا ءار مىندەتتىڭ ورىندالۋ مەجەسى ناقتى كورسەتىلگەن.
«باعدارلامادا جەتى فلاگماندىق ماقسات پەن 10 باعدارلامالىق باعىت ايقىندالعان. ارقايسىسى ناقتى كورسەتكىشتەرمەن بەرىلگەن: 1 ميلليون جۇمىس ورنى، تۇرعىن ۇيمەن قامتاماسىز ەتۋ دەڭگەيىن جان باسىنا شاققاندا 30 شارشى مەترگە دەيىن جەتكىزۋ، ورتاشا ءومىر ءسۇرۋ ۇزاقتىعىن 77 جاسقا دەيىن ارتتىرۋ. وسىلايشا، «ادىلەت» پارتياسى وزىنە جۇكتەلەتىن ساياسي جاۋاپكەرشىلىكتى كۇشەيتە ءتۇستى. باعدارلامادا جەكەلەگەن باسشىلارعا تاۋەلدى جۇيەگە ەمەس، ورنىقتى مەملەكەتتىك ينستيتۋتتاردى دامىتۋعا باسىمدىق بەرىلگەن.»، – دەدى ول.
ءوز كەزەگىندە ساياساتتانۋشى قازبەك مايگەلدينوۆ باعدارلاماداعى اشىقتىق پەن ەسەپتىلىككە قاتىستى ۇستانىمدارعا توقتالدى.
«پارتيا مەملەكەتتىك باسقارۋدىڭ ساپاسى ناقتى ءبىر باسشىعا تاۋەلدى بولماۋى كەرەك دەگەن ۇستانىمدى قولدايدى. ياعني جۇيە جەكەلەگەن تۇلعالارعا ەمەس، ورنىقتى مەملەكەتتىك ينستيتۋتتارعا سۇيەنۋى ءتيىس. سونىمەن قاتار پارتيا باعدارلامانىڭ ءار تارماعىنىڭ ورىندالۋى تۋرالى تسيفرلىق پانەل ارقىلى اشىق ەسەپ بەرۋدى جوسپارلاپ وتىر. بۇل پارتيا قىزمەتىنىڭ اشىقتىعىن ارتتىرا تۇسەدى»، – دەدى ول.
ساراپشىلار ەكونوميكالىق باعىتتاعى ۇسىنىستاردىڭ شيكىزاتقا تاۋەلدى مودەلدەن ءوندىرىستى ارتاراپتاندىرۋعا، تەرەڭ وڭدەۋدى دامىتۋعا جانە مەملەكەتتىك ينستيتۋتتاردىڭ ساپاسىن ارتتىرۋعا باسىمدىق بەرەتىنىن اتاپ ءوتتى.
Qazaq Expert Club ەكونوميسى سايدا تىلەۋلەنوۆا دە بۇل ۇستانىمنىڭ قازىرگى الەمدىك ۇردىستەرمەن ۇندەسەتىنىن ايتتى.
«باعدارلامانىڭ ەكونوميكالىق باعىتى الەمدەگى ەكونوميكالىق دامۋ ۇردىستەرىنە ساي كەلەدى. وندا ەكونوميكانىڭ ساندىق وسىمىنەن گورى، ساپالى دامۋىنا باسىمدىق بەرىلگەن. سونىمەن قاتار جەكە مەنشىك قۇقىعىن قورعاۋ، ادال باسەكەلەستىكتى دامىتۋ، مونوپوليامەن كۇرەس جانە كاسىپكەرلىكتى قولداۋ ماسەلەلەرى قامتىلعان. سونداي-اق ەكونوميكانىڭ شيكىزات سەكتورىنا تاۋەلدىلىگىن ازايتۋعا ەرەكشە ءمان بەرىلگەن»، – دەدى ول.
ونەركاسىپ سالاسىنا قاتىستى ۇسىنىستارعا توقتالعان سالالىق ساراپشى نۇرلان جۇماعۇلوۆ پارتيا باعدارلاماسىن ۇكىمەتكە دايىن جۇمىس جوسپارى دەپ باعالادى.
«باعدارلامانىڭ نەگىزگى ۇستانىمى – شيكىزاتتى ەكسپورتتاۋدان ونى تەرەڭ وڭدەۋگە كوشۋ. قۇجاتقا سايكەس، 2030 جىلعا قاراي جۇمىس ىستەپ تۇرعان ءۇش مۇناي وڭدەۋ زاۋىتىنىڭ قۋاتىن جىلىنا 18 ميلليون توننادان 30 ميلليون تونناعا دەيىن جەتكىزۋ كوزدەلگەن. باعدارلامانىڭ ەنەرگەتيكا ءبولىمى جالپىلاما ۇرانداردان گورى ۇكىمەتكە ارنالعان ناقتى مىندەتتەر تىزبەسىنە كوبىرەك ۇقسايدى. وندا ناقتى وندىرىستىك قۋاتتار، مەرزىمدەر جانە سالالىق كورسەتكىشتەر ايقىندالعان»، – دەدى ول.
ساراپشىلاردىڭ پىكىرىن تۇيىندەي كەلە، الەۋمەتتانۋشى جاقسىبەك جيەناليەۆ مەن ساياساتتانۋشى ەدۋارد پولەتاەۆ «ادىلەت» پارتياسىنىڭ باعدارلاماسى الەۋمەتتىك كومەكتى كەڭەيتۋگە ەمەس، كاسىپكەرلىكتىڭ، يندۋستريانىڭ جانە ادامي كاپيتالدىڭ دامۋىنا جاعداي جاسايتىن ستراتەگيالىق باعىتتاردى قامتيتىنىن ايتتى.
ساراپشىلار قاۋىمداستىعىنىڭ پىكىرىنشە، «ادىلەت» پارتياسىنىڭ باعدارلاماسى سايلاۋالدى ناۋقانىنداعى ساياسي تالقىلاۋدىڭ دەڭگەيىن كوتەردى.
دايىنداعان:
«ادىلەت» پارتياسىنىڭ ءباسپاسوز قىزمەتى.
«ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.
تاپسىرىس بەرۋشى: ن.ت. مىڭجاساروۆ.
