ۆەنا ماڭىندا MS Anna Katharina كرۋيزدىك لاينەرى فرويدەناۋ گيدروتەحنيكالىق قۇرىلىسىنا سوعىلدى، دەپ حابارلايدى "ادىرنا" ءتىلشىسى.
Kronen Zeitung باسىلىمى حابارلاعانداي، 14 ادام زارداپ شەككەن.
وقيعا ورنىندا اۋقىمدى قۇتقارۋ وپەراتسياسى جۇرگىزىلدى. العاشىندا وقيعا ورنىنا كەلگەن 60-قا جۋىق قۇتقارۋشى جولاۋشىلاردىڭ سۋعا باتىپ كەتۋى مۇمكىن دەگەن بولجامدى تەكسەرگەن.
الدىن الا مالىمەت بويىنشا، كەمە بورتىندا شامامەن 200 ادام بولعان. ولاردىڭ 14-ءى جەڭىل جاراقات الىپ، التاۋى اۋرۋحاناعا جەتكىزىلدى. زارداپ شەككەندەردىڭ اراسىندا گەرمانيا مەن اۆستريا ازاماتتارى بار.
سوقتىعىس سالدارىنان كەمەنىڭ تۇمسىق بولىگى قاتتى زاقىمدانعان. قازىر ابايسىزدا دەنساۋلىققا زيان كەلتىرۋ فاكتىسى بويىنشا تەرگەۋ جۇرگىزىلىپ جاتىر. اپاتتىڭ ناقتى ءمان-جايى ازىرگە انىقتالعان جوق.
ۇقساس جاڭالىقتار
