فوتو: قازتاگ
21 شىلدە كۇنى قازاقستاننىڭ ورتالىق سايلاۋ كوميسسياسى «ادىلەت» پارتياسى ۇسىنعان پارتيالىق ءتىزىمدى رەسمي تۇردە تىركەدى، دەپ حابارلايدى "ادىرنا" قازتاگ اگەنتتىگىنە سىلتەپ.
مالىمەتكە قاراعاندا پارتيا اتىنان قۇرىلتاي سايلاۋىنا 186 كانديدات قاتىسادى. ولاردىڭ ورتاشا جاسى – 45 جاس.
پارتيا ۇسىنعان كانديداتتاردىڭ اراسىنا ەكس-مينيسترلەر مەن ەكس-دەپۋتاتتاردى دا كەزدەسىپ قالادى. ورتالىق سايلاۋ كوميسسياسى تىركەگەن تىزىمنەن بۇلاردان باسقا تانىمال زاڭگەرلەر مەن كاسىپكەرلەردى كورۋگە بولادى.
جۋىردا عانا، 1 ماۋسىم كۇنى ادىلەت مينيسترلىگىنىڭ رەسمي تىركەۋىن العان «ادىلەت» ءۇشىن بۇل قۇرىلتاي سايلاۋى – ءبىرىنشى ساياسي دودا.
پارتيا ءوزىنىڭ باعدارلاماسىنا ءۇش نەگىزگى قاعيداتتى بىرىكتىرۋگە تىرىسقان. ءبىرىنشىسى – زاڭ ۇستەمدىگى، ەكىنشىسى – ادىلدىك جانە ءۇشىنشىسى – بيلىكتىڭ قاتاڭ ەسەپ بەرۋ فورماسى.
ەسكە سالايىق، «ادىلەت» پارتياسى 2026 جىلى 1 ماۋسىمدا رەسمي تىركەۋدەن ءوتىپ، الداعى قۇرىلتاي سايلاۋىنا قاتىساتىنىن مالىمدەگەن بولاتىن. پارتيانىڭ 10 شىلدەدە وتكەن كەزەكتەن تىس III سەزىندە 186 كانديداتتان قۇرالعان پارتيالىق ءتىزىم بەكىتىلىپ، سايلاۋالدى باعدارلاماسى تانىستىرىلدى. بۇل – «ادىلەت» پارتياسىنىڭ پارلامەنت سايلاۋىنا العاش قاتىسۋى. قۇرىلتاي دەپۋتاتتارىنىڭ سايلاۋى 23 تامىزدا وتەدى.
