«ادىرنا» ۇلتتىق پورتالىنىڭ پودكاستىنا قوعام قايراتكەرى، كومپوزيتور، جازۋشى جانە تاۋەلسىزدىك جولىنداعى كۇرەسكەرلەردىڭ ءبىرى حاسەن قوجا-احمەت قوناق بولدى. پودكاست بارىسىندا ول ءومىر جولى، شىعارماشىلىعى، ساياسي قىزمەتى، تۇرمەدە وتكىزگەن جىلدارى، قازاق تاريحىنا قاتىستى كوزقاراستارى مەن بۇگىنگى قوعامدىق-ساياسي ماسەلەلەر تۋرالى كەڭىنەن اڭگىمەلەدى.
حاسەن قوجا-احمەت سۇحبات باسىندا اۋىر ەڭبەكپەن اينالىسىپ، دەنساۋلىعىنا زيان كەلتىرىپ العانىن ايتتى. ونىڭ سوزىنشە، ومىرىندەگى بارلىق قيىندىقتارعا قاراماستان، شىعارماشىلىق پەن مۋزىكا وعان كۇش-قۋات بەرگەن.
«مەنى امان ساقتاپ كەلە جاتقان – شىعارماشىلىق، مۋزىكا»، – دەدى ول.
سونداي-اق قوناق ءوزىنىڭ اكەسى ايگىلى ءانشى امىرە قاشاۋباەۆتىڭ قولىندا تاربيەلەنگەنىن ايتىپ، بالالىق شاعىنان سىر شەرتتى. ول باستاپقى ارمانى كومپوزيتور بولۋ ەكەنىن، الايدا تاعدىر ونى قوعامدىق-ساياسي كۇرەسكە الىپ كەلگەنىن جەتكىزدى.
پودكاست سوڭىندا قوعام قايراتكەرى قازاق حالقىنا اق باتاسىن بەرىپ، ەلدىڭ بىرلىگى مەن تاۋەلسىزدىگىنىڭ باياندى بولۋىنا تىلەكتەستىگىن جەتكىزدى.
