قىتايدىڭ سولتۇستىك-باتىسىنداعى گانسۋ پروۆينتسياسىندا بولعان كوشكىن سالدارىنان قازا تاپقاندار سانى 21 ادامعا جەتتى، دەپ حابارلايدى «ادىرنا» ءتىلشىسى تاسس اگەنتتىگىنە سىلتەمە جاساپ.
ەلدىڭ ورتالىق تەلەارناسىنىڭ مالىمەتىنشە، كوشكىن سەيسەنبى كۇنى تاڭەرتەڭ لۋننان قالاسىندا جۇرگەن. توپىراق ماسساسىنىڭ استىندا 33 ادام قالىپ قويعان.
قۇتقارۋشىلار اپات ايماعىندا بولعان بارلىق ادامدى ءۇيىندى استىنان الىپ شىققان. جەتى ادام ءتۇرلى جاراقات العان.
قىتايدا جاز مەزگىلى ءداستۇرلى تۇردە نوسەر جاڭبىر، تايفۋن، سۋ تاسقىنى جانە وزگە دە تابيعي اپاتتارمەن قاتار جۇرەدى.
ايتا كەتەيىك، 2025 جىلى ەلدەگى تابيعي اپاتتاردان كەلگەن تىكەلەي شىعىن شامامەن 34,5 ملرد دوللاردى قۇراعان. تابيعي اپاتتاردىڭ سالدارىنان 763 ادام قازا تاپقان نەمەسە ءىز-ءتۇزسىز جوعالعان.
ۇقساس جاڭالىقتار
