ۇلتتىق ستاتيستيكا بيۋروسى 2026 جىلعى 1 ماۋسىمداعى جاعداي بويىنشا ەل حالقىنىڭ سانى تۋرالى مالىمەتتى جاڭارتتى، دەپ حابارلايدى «ادىرنا» ءتىلشىسى.
بيۋرو مالىمەتىنشە، 1 ماۋسىمدا قازاقستان حالقىنىڭ سانى 20 575 979 ادامدى قۇراعان. ءبىر اي بۇرىن ەلدە 20 562 993 ادام تۇرعانى ايتىلعان بولاتىن. وسىلايشا ءبىر ايداعى حالىق ءوسىمى 12 986 ادامعا جەتىپ وتىر.
سونداي-اق قازاقستاندا ايەلدەر سانى (10 517 159) ەرلەر سانىنان (10 058 820) ءالى دە كوپ ەكەنى بەلگىلى بولدى.
قالالار اراسىندا حالىق سانى بويىنشا الماتى كوش باستاپ تۇر. قازىرگى تاڭدا مەگاپوليستە 2 366 525 ادام تۇرادى. ودان كەيىن تۇركىستان وبلىسى ورنالاسقان. ءوڭىر حالقىنىڭ سانى 2 146 670 ادامعا جەتكەن. ال العاشقى ۇشتىكتى استانا تۇيىندەيدى. ەلوردادا 1 674 699 ادام تۇرادى.
قازاقستانداعى حالىق سانى ەڭ از ءوڭىر – ۇلىتاۋ وبلىسى. مۇندا 218 169 ادام ءومىر سۇرەدى.
ستاتيستيكاعا سايكەس، قالالىق جەرلەردە 13 168 438 ادام، ال اۋىلدىق جەرلەردە 7 407 541 ادام تۇرادى.
