وزبەكستاننىڭ سىرتقى ىستەر ءمينيسترى باحتيور سايدوۆ يراننىڭ سىرتقى ىستەر ءمينيسترى سەيەد ابباس اراگچيمەن تەلەفون ارقىلى سويلەستى، دەپ حابارلايدى “ادىرنا” ۇلتتىق پورتالى.
اڭگىمە بارىسىندا تاراپتار جۋىرداعى قاقتىعىستى رەتتەۋ جونىندە قول جەتكىزىلگەن كەلىسىمدەردىڭ جۇزەگە اسىرىلۋ بارىسىن جانە وڭىردەگى قازىرگى احۋالدى تالقىلادى.
وزبەكستان تاراپى ايماقتاعى شيەلەنىستى باسەڭدەتۋگە باعىتتالعان ديپلوماتيالىق كۇش-جىگەردى قولدايتىنىن تاعى ءبىر مارتە راستادى.
سونداي-اق تاراپتار ديالوگتى ساقتاۋدىڭ جانە قول جەتكىزىلگەن كەلىسىمدەردى دايەكتى تۇردە ورىنداۋدىڭ ماڭىزىن اتاپ ءوتتى.
بۇدان بولەك، مينيسترلەر وزبەك-يران ىنتىماقتاستىعىن ودان ءارى نىعايتۋ ماسەلەلەرىن تالقىلاپ، ءوزارا قىزىعۋشىلىق تۋدىراتىن باعىتتار بويىنشا تىعىز كونسۋلتاتسيالاردى جالعاستىرۋعا ۋاعدالاستى.
