ءماجىلىس دەپۋتاتى سەرىك ەگىزباەۆ «اۋىل» حالىقتىق-دەموكراتيالىق پاتريوتتىق پارتياسىنىڭ توراعاسى قىزمەتىنەن كەتتى، دەپ حابارلايدى "ادىرنا" ۇلتتىق پورتالى.
بۇل تۋرالى پارتيانىڭ كەزەكتەن تىس سەزىندە ءمالىم بولدى.
سەزد بارىسىندا سەرىك ەگىزباەۆ پارتيا توراعاسى رەتىندەگى وكىلەتتىگىن توقتاتاتىنىن جاريالادى. دەلەگاتتاردىڭ شەشىمىمەن بۇل قىزمەتكە قازاق اگروتەحنيكالىق زەرتتەۋ ۋنيۆەرسيتەتىنىڭ رەكتورى قايرات ايتۋعانوۆ سايلاندى.
سەرىك ەگىزباەۆ «اۋىل» پارتياسىن 2023 جىلدىڭ قازان ايىنان بەرى باسقاردى. ول قازىرگى ۋاقىتتا قازاقستان رەسپۋبليكاسى پارلامەنتى ماجىلىسىندەگى اگرارلىق ماسەلەلەر كوميتەتىنىڭ توراعاسى قىزمەتىن اتقارادى.
جاڭا توراعا قايرات ايتۋعانوۆ بۇعان دەيىن اۋىل شارۋاشىلىعى مينيسترلىگىندە ۆيتسە-مينيستر لاۋازىمىندا جۇمىس ىستەپ، اگروونەركاسىپتىك كەشەندى دامىتۋعا باعىتتالعان بىرقاتار جوبالارعا جەتەكشىلىك ەتكەن.
ايتا كەتەيىك، بۇعان دەيىن ازات پەرۋاشەۆ "اق جول" پارتياسىنىڭ توراعالىعىنان كەتكەنىن حابارلاعان ەدىك.
