الماتىدا جاياۋ جۇرگىنشىلەر وتكەلىندە قارت ايەلدى قاعىپ كەتتى، - دەپ حابارلايدى "ادىرنا" ۇلتتىق پورتالى.
الەۋمەتتىك جەلىلەردە جاروكوۆ پەن ساتپاەۆ كوشەلەرىنىڭ قيىلىسىنداعى جاياۋ جۇرگىنشىلەر وتكەلىندە ەكى كولىك سوقتىعىسىپ، ءبىر ادامدى قاعىپ كەتكەنى ءتۇسىپ قالعان ۆيدەو پايدا بولدى.
الماتى پوليتسياسى جول اپاتىنىڭ 29 قاراشا كۇنى ساعات 08:30-دا بوستاندىق اۋدانىندا بولعانىن حابارلادى.
«Hyundai Creta جانە Mercedes كولىكتەرى ساتپاەۆ كوشەسىمەن شىعىس باعىتتا كەلە جاتىپ، جاروكوۆقا قاراي سولعا بۇرىلىپ كەلە جاتقاندا، Hyundai كولىگى Mercedes-ءتىڭ ارتقى جاعىنا سوعىلعان. سوقتىعىستان ءبىر ادام زارداپ شەكتى. ازاماتشا اۋرۋحانالاردىڭ بىرىنە جەتكىزىلدى»، - دەپ حابارلادى پوليتسيا.
پوليتسەيلەر بۇل فاكتى بويىنشا بوستاندىق اۋدانى اكىمدىگىنىڭ قىزمەتكەرلەرى تەرگەۋ جۇرگىزىپ جاتقانىن اتاپ ءوتتى.
