بالقاش جاعالاۋىندا تۋريستىك جوبالاردى جۇزەگە اسىرۋ ءۇشىن 14 گەكتار يندۋستريالدى ايماق اشىلدى. ينۆەستورلارعا ينجەنەرلىك كوممۋنيكاتسيالارى بار جەر تەلىمدەرى ۇسىنىلادى، بۇل نىسانداردى سالۋ مەرزىمىن ايتارلىقتاي قىسقارتۋعا جانە ولاردى قوسۋ شىعىندارىن ازايتۋعا مۇمكىندىك بەرەدى.
جوبا قازاقستان پرەمەر-ءمينيسترى ولجاس بەكتەنوۆتىڭ تاپسىرماسىن ورىنداۋ شەڭبەرىندە ىسكە اسىرىلدى جانە قاراعاندى وبلىسىنىڭ تۋريستىك ينفراقۇرىلىمىن دامىتۋعا باعىتتالعان.
جاڭا الاڭنىڭ باستى ارتىقشىلىعى – دايىن ينجەنەرلىك ينفراقۇرىلىم. مەملەكەت سۋمەن جابدىقتاۋ، كارىز جانە جىلۋمەن جابدىقتاۋ جەلىلەرى ۋچاسكەلەرىنىڭ شەكارالارىنا جەتكىزۋدى قامتاماسىز ەتەدى. كاسىپكەرلەردىڭ ولارعا قوسىلىپ، قۇرىلىسقا كىرىسۋى عانا قالادى.
يندۋستريالىق ايماقتىڭ ءبىرىنشى رەزيدەنتى ء«ادىل-قۇرىلىس» كورپوراتسياسى بولدى. كومپانيا Premium Villa Balkhash تۋريستىك كەشەنىن سالۋ ءۇشىن ءتورت گەكتار جەردى جالعا الدى.
– يندۋستريالىق ايماق – بۇل مەملەكەتتىڭ قولداۋى ەسەبىنەن بيزنەس ءۇشىن وتە قولايلى جۇمىس فورماتى. بالقاشتا دەمالىستى زاماناۋي ءارى جايلى ەتۋ ءۇشىن قالا باسشىلىعىمەن تىعىز تاندەمدە جۇمىس ىستەيمىز، – دەدى ينۆەستور جاقسىكەلدى يمانبەكوۆ.
كەشەن ورنالاستىرۋدىڭ ەكى فورماتىن بىرىكتىرەدى: ەۋروپالىق ستيلدەگى 23 بارنحاۋس جانە ۇلتتىق كولوريتتى اۋەسقويلار ءۇشىن 21 ەتنويۋرت. جوبانىڭ ەرەكشەلىگى ونىڭ جىل بويعى جۇمىسىندا. بارنحاۋستار قوناقتاردى جازدا دا، قىستا دا قابىلدايدى، ال 12 ءۇي ساۋنالارمەن جابدىقتالادى.
ءاربىر ۆيللا باسسەيندەرى بار جەكە اۋماققا يە بولادى.
بۇدان باسقا، كەشەن اۋماعىندا ورتاق باسسەين، ۆولەيبول مەن باسكەتبولعا ارنالعان سپورت الاڭدارى، ءىس-شارالار وتكىزۋگە ارنالعان ساحنا مەن اسحاناسى اشىق مەيرامحانالار سالۋ جوسپارلانۋدا.
تاعى ەكى باستاما بويىنشا جوبالىق-سمەتالىق قۇجاتتاما ازىرلەنۋدە. يندۋستريالىق ايماقتىڭ قالعان 6 گەكتارىنا دا جاڭا ينۆەستورلاردى قابىلداۋعا دايىن.
– ينجەنەرلىك ينفراقۇرىلىم – جوبانىڭ ەڭ شىعىندى بولىگى. مەملەكەت كاسىپكەرلەرگە كوممۋنيكاتسيا جۇرگىزىپ، قولايلى جاعداي جاسايدى، ونىڭ ورنىنا بۇگىنگى كۇننىڭ شىندىعىنا سايكەس كەلەتىن جاڭا ينۆەستيتسيالىق جوبالار، جۇمىس ورىندارى مەن تارتۋ نۇكتەلەرىن الادى، – دەدى تۋريزم باسقارماسىنىڭ باسشىسى يرينا ليۋبارسكايا.
بالقاش جقق – مۇنداي باعىتتاعى قازاقستانداعى العاشقى جوبا.
2025 جىلدىڭ باسىنان باستاپ بالقاشتا ەكى دەمالىس ايماعى مەن قوناق ءۇيدىڭ قۇرىلىسى اياقتالدى. قازىرگى ۋاقىتتا تاعى ءۇش تۋريستىك جوبا ىسكە اسىرىلۋدا.
مەملەكەت تاراپىنان قولداۋ «دامۋ» قورى جەلىسى بويىنشا كورسەتىلەدى، سونداي-اق قۇرىلىس اياقتالعان كەزدە جوباعا جۇمسالاتىن شىعىن سوماسىنىڭ 10% قايتارۋ مۇمكىندىگى بار.
بۇل مۇمكىندىكتى الەكساندر ۆاسيلەۆسكي پايدالاندى. كاسىپكەر باركوۆسكي اۋدانىندا «موناكو» زاماناۋي دەمالىس ايماعىن سالۋدا.
– بۇگىنگى تاڭدا جۇمىستىڭ 90% -ى ورىندالدى. سۋبسيديالاۋعا ءوتىنىم بەرىلدى، – دەيدى كاسىپكەر.
دەمالىس ايماقتارى ۋربانيستيكا ورتالىعىنىڭ ديزاين-كودىنا جانە سانيتارلىق نورما تالاپتارىنا سايكەس كەلتىرىلەدى.
