قاراعاندى حايۋاناتتار باعىندا امۋر جولبارىستارى ميا مەن باتىردىڭ ەكى شونجىگى دۇنيەگە كەلدى، دەپ حابارلايدى "ادىرنا" ۇلتتىق پورتالى.
حايۋاناتتار باعى قىزمەتكەرلەرىنىڭ مالىمەتىنشە، شونجىكتەر 30 ءساۋىر كۇنى تۋعان. ولار مەرزىمىنەن بۇرىن دۇنيەگە كەلگەندىكتەن وتە ءالسىز بولعان. تۋعان كەزدەگى سالماقتارى نەبارى 450 جانە 530 گراممدى قۇراعان.
العاشقى كۇندەرى بارلىق جاڭا تۋعان مىسىق تۇقىمداستارى سياقتى ولاردىڭ كوزدەرى اشىلماعان جانە ەرەكشە كۇتىمدى قاجەت ەتكەن. الايدا ءبىر ايدىڭ ىشىندە شونجىكتەردىڭ جاعدايى ايتارلىقتاي جاقسارعان. قازىر ولاردىڭ ارقايسىسىنىڭ سالماعى ەكى كەلىدەن اسىپ كەتكەن.
مامانداردىڭ ايتۋىنشا، جولبارىس شونجىكتەرى جاقسى قورەكتەنىپ، قارقىندى ءوسىپ كەلەدى.
"ميا انالىق مىندەتىن وتە جاقسى اتقارىپ جاتىر. ولار بەلسەندى، جاقسى دامىپ كەلەدى جانە كۇن سايىن شيراپ جاتىر", – دەيدى حايۋاناتتار باعىنىڭ قىزمەتكەرلەرى.
امۋر جولبارىسى الەمدەگى ەڭ سيرەك كەزدەسەتىن جولبارىس تۇرلەرىنىڭ ءبىرى سانالادى. سوندىقتان ماماندار بۇل وقيعانى جىرتقىشتاردىڭ سيرەك ءتۇرىن ساقتاۋعا باعىتتالعان ماڭىزدى جەتىستىك دەپ باعالاپ وتىر.
ايتا كەتەيىك، بۇعان دەيىن رەسەي پرەزيدەنتى ءپۋتيننىڭ مەملەكەت باسشىسى توقاەۆقا ءتورت امۋر جولبارىسىن سىيلاعانى حابارلانعان ەدى.
