تۇڭعىش پرەزيدەنت نۇرسۇلتان نازارباەۆ ازەربايجان باسشىسى يلحام اليەۆتى قۇربان ايت مەرەكەسى جانە تاۋەلسىزدىك كۇنىمەن قۇتتىقتادى، دەپ حابارلايدى «ادىرنا» ءتىلشىسى.
قۇتتىقتاۋدا بيىل قۇربان ايتتىڭ مەملەكەتتىك مەرەكەمەن قاتار كەلۋى سيمۆولدىق مانگە يە ەكەنى ايتىلعان.
«قۇرمەتتى يلحام گەيدار وعلى! ءسىزدى قاسيەتتى قۇربان ايت مەرەكەسىمەن جانە ازەربايجان رەسپۋبليكاسىنىڭ تاۋەلسىزدىك كۇنىمەن شىن جۇرەكتەن قۇتتىقتايمىن! بيىل قۇربان ايتتىڭ مەملەكەتتىك مەرەكەمەن قاتار كەلۋى سيمۆولدىق مانگە يە. بارشا مۇسىلمان قاۋىمىنىڭ ۇلىق مەرەكەسى سانالاتىن بۇل مەيرام مەيىرىمگە تولى بولىپ، ادامزاتتى جوعارى رۋحاني قۇندىلىقتارعا جەتەلەسىن، اللانىڭ راقىمى مەن بەرەكەسىنە بولەنە بەرسىن»،–دەدى ول.
نازارباەۆ ازەربايجان حالقىنىڭ دامۋى مەن گۇلدەنۋىنە تىلەكتەستىك ءبىلدىرىپ، ەلدىڭ يگى ماقساتتارعا جەتۋىنە سەنىم ارتتى.
ء«سىزدىڭ باسشىلىعىڭىزبەن باۋىرلاس ازەربايجان حالقىنىڭ ودان ءارى قارقىندى دامىپ، گۇلدەنۋىنە جانە يگى ماقساتتارعا جەتۋىنە تىلەكتەسپىن. ءبىز سزبەن ورناتقان ءوزارا قۇرمەتتىڭ ۇزاق جىلدار بويى ساقتالاتىنىنا سەنەمىن. وسى ايتۋلى مەرەكەگە وراي، قادىرلى يلحام گەيدار وعلى، مىقتى دەنساۋلىق، ۇلكەن تابىس، ال ازەربايجان حالقىنا بەيبىتشىلىك پەن وركەندەۋ تىلەيمىن»،–دەپ تۇيىندەدى ەكس-پرەزيدەنت.
