19 مامىردا بريتاندىق Radio Caroline راديوستانتسياسى كورول III چارلزدىڭ قايتىس بولعانى تۋرالى جانساق حابار تاراتقان، دەپ حابارلايدى «ادىرنا» ءتىلشىسى.
حاباردان كەيىن ستانتسيا “قۇداي كورولدى ساقتاسىن” گيمنىن قوسىپ، شامامەن 15 مينۋتقا ەفيردى ءۇزىپ تاستاعان. جۇرگىزۋشىلەر ەفيرگە قايتا ورالعان كەزدە تىڭدارمانداردان كەشىرىم سۇراعان.
20 مامىردا راديوستانتسيا الەۋمەتتىك جەلىلەردە مالىمدەمە جاريالاپ، كەشىرىم سۇرادى. ايتۋلارىنشا، وقيعا بريتان مونارحى قايتىس بولعان جاعدايدا راديوستانتسيالار قولداناتىن «مونارح» دەپ اتالاتىن حاتتامانىڭ كەزدەيسوق ىسكە قوسىلۋىنان بولعان.
«ۇلى مارتەبەلى كورولدەن جانە تىڭدارماندارىمىزدان كەشىرىم سۇرايمىز»،– دەدى ستانتسيا ديرەكتورى پيتەر مۋر.
DW دەرەگىنشە، وقيعا كەزىندە III چارلز سولتۇستىك يرلانديادا بولعان.
ەسكە سالايىق، 2024 جىلى كورولگە قاتەرلى ىسىك دياگنوزى قويىلعانى حابارلانعان ەدى. كەيىننەن ونىڭ ەمدەلۋى جاقسى ءجۇرىپ جاتقانى جانە ول قايتادان قوعامدىق ءىس-شارالارعا بەلسەندى قاتىسىپ جۇرگەنى ايتىلدى.
قازاقستان مەن ۇلىبريتانيا ساۋدا اينالىمى 1,8 ملرد دوللار. پرەزيدەنت مەملەكەتتىك ءمينيستردى قابىلدادى
