فوتو: report.az
وڭتۇستىك كورەيادا 2027 جىلدان باستاپ يتتەردى تاعام ماقساتىندا وسىرۋگە، سويۋعا جانە ساتۋعا تولىق تىيىم سالىنادى. بۇل تۋرالى ەلدىڭ اۋىل شارۋاشىلىعى مينيسترلىگى رەسمي سايتىندا مالىمدەدى، دەپ حابارلايدى "ادىرنا"..
مينيسترلىكتىڭ دەرەگىنە سايكەس، يت ەتىن وندىرۋمەن اينالىسقان فەرمالاردىڭ 82%-ى جۇمىسىن توقتاتقان. 2024 جىلدان بەرى 1535 شارۋاشىلىقتىڭ 1265-ءى جابىلعان. قالعان كاسىپورىندار 2026 جىلدىڭ سوڭىنا دەيىن قىزمەتىن تولىق توقتاتۋى ءتيىس.
ۆەدومستۆو وكىلدەرى زاڭ بۇزۋشىلىقتار مەن زاڭسىز يت ءوسىرۋ فاكتىلەرىن انىقتاۋ ءۇشىن تەك جۇمىس ىستەپ تۇرعان فەرمالاردى عانا ەمەس، جابىلعان شارۋاشىلىقتاردى دا تەكسەرۋ جالعاساتىنىن مالىمدەدى.
يت ەتىن وندىرۋگە تىيىم سالۋ ەل پرەزيدەنتى يۋن سوك ءيولدىڭ سايلاۋالدى ۋادەلەرىنىڭ ءبىرى بولعان. سوڭعى جىلدارى وڭتۇستىك كورەيادا، اسىرەسە جاستار اراسىندا، يت ەتىن تۇتىنۋ ايتارلىقتاي ازايعان.
