برازيليا حالقى اقش بيلىگىنىڭ ەلگە قارسى جاڭا تاريفتىك شەكتەۋلەر ەنگىزۋىنە نارازىلىق تانىتىپ، سان-پاۋلۋ قالاسىندا ءىرى ميتينگ وتكىزدى، دەپ حابارلايدى "ادىرنا" ۇلتتىق پورتالى.
نارازىلىق اكتسياسىن ەلدەگى سولشىل پارتيالار، قوعامدىق ۇيىمدار مەن كاسىپوداق وكىلدەرى ۇيىمداستىرعان. ولار امەريكا قۇراما شتاتتارىنىڭ برازيليا ونىمدەرىنە 50 پايىزدىق باج سالىعىن ەنگىزۋىنە قارسى ەكەنىن اشىق ءبىلدىردى.
جينالعاندار اقش-تىڭ بۇرىنعى پرەزيدەنتى دونالد ترامپتىڭ تۇلىپتارىن ورتەپ، ونى برازيليانىڭ ەكس-پرەزيدەنتى دجاير بولسونارۋعا قولداۋ كورسەتكەنى ءۇشىن سىنعا الدى. ەسكە سالايىق، بولسوناروعا 2030 جىلعا دەيىن سايلاۋعا قاتىسۋعا تىيىم سالىنعان، الايدا ترامپتىڭ ونى قولداۋى برازيليالىقتار اراسىندا اشۋ-ىزانى كۇشەيتتى.
"بۇل – تەك ەكونوميكالىق شەكتەۋ ەمەس، ءبىزدىڭ ەگەمەندىگىمىزگە جاسالعان قىسىم", – دەدى ميتينگكە قاتىسۋشىلاردىڭ ءبىرى.
قاتىسۋشىلار امەريكالىق ساياساتتى "يمپەرياليستىك جانە ادىلەتسىز" دەپ باعالاپ، ۆاشينگتونعا قارسى بىرقاتار ەكونوميكالىق جانە ديپلوماتيالىق شارالار قابىلداۋدى ۇكىمەتتەن تالاپ ەتتى.
