ۆەنگريانىڭ جاڭا پرەمەر-ءمينيسترى پەتەر ماديار ەكس-پرەمەر-مينيستر ۆيكتور وربان كەزىندە بۋداپەشتتىڭ تاريحي اۋدانىندا ورنالاسقان كارمەليت ءموناستىرى عيماراتىندا بولعان رەسمي ۇكىمەت رەزيدەنتسياسىنا كوشپەيدى. بۇل تۋرالى ول «X» الەۋمەتتىك جەلىسىندەگى پاراقشاسىندا جازدى، دەپ حابارلايدى «ادىرنا» ءتىلشىسى.
سونداي-اق ول قىزمەتتىك كولىك رەتىندە ءوزىنىڭ سايلاۋالدى ناۋقانى كەزىندە پايدالانعان اۆتوكولىكتى قولداناتىنىن ايتتى.
«قىزمەتتىك كولىك رەتىندە مەن ەل بويىنشا سايلاۋالدى ناۋقانىم كەزىندە جۇرتقا تانىس بولعان Škoda كولىگىن پايدالانامىن. سونداي-اق مەن رەسمي ۇكىمەت رەزيدەنتسياسىنا كوشپەيمىن»، – دەپ جازدى ماديار.
ەسكە سالايىق، 10 مامىردا پەتەر ماديار ۆەنگريانىڭ پرەمەر-ءمينيسترى قىزمەتىنە رەسمي تۇردە كىرىسكەن ەدى.
ۇقساس جاڭالىقتار
