2025 جىلدىڭ قورىتىندىسى بويىنشا قازاقستان مەن يران اراسىنداعى تاۋار اينالىمى 450 ملن دوللاردى قۇرادى. بۇل تۋرالى ۆيتسە-پرەمەر سەرىك جۇمانعارين مالىمدەدى، دەپ حابارلايدى «ادىرنا» ءتىلشىسى.
ول تاياۋ شىعىستاعى جاعدايعا بايلانىستى بيىل ساۋدا قارقىنىنىڭ باياۋلاۋى كۇتىلەتىنىن جەتكىزدى.
«بۇل قازىرگى پارسى شىعاناعىنداعى قاقتىعىسپەن بايلانىستى بولىپ وتىر. جالپى ماقسات — تاۋار اينالىمىن 3 ملرد دوللارعا جەتكىزۋ، بىراق ازىرگە بۇل قيىن»، — دەدى ول.
ۆيتسە-پرەمەردىڭ ايتۋىنشا، كەلىسىمشارتتار جاسالعانىمەن، ترەيدەرلەر جۇمىسىندا ىركىلىس بايقالادى.
«ويتكەنى تولەم جاساۋعا قاتىستى تاۋەكەلدەر بار. يرانمەن ەڭ ۇلكەن ماسەلە — تولەم جۇيەسى. بۇرىن تولەمدەر كوبىنە ءۇشىنشى ەلدەر ارقىلى جۇزەگە اساتىن»، — دەدى سەرىك جۇمانعارين.
ۇقساس جاڭالىقتار
