شىمكەنتتە ناۋقاستىڭ جۇرەگى 20 مينۋتتىڭ ىشىندە ءتورت رەت توقتاعان، دەپ حابارلايدى “ادىرنا” ۇلتتىق پورتالى شىمكەنتتىڭ دەنساۋلىق ساقتاۋ باسقارماسىنا سىلتەپ.
دارىگەرلەردىڭ مالىمەتىنشە، №1 قالالىق كلينيكالىق اۋرۋحاناسىنىڭ دارىگەرلەرى جانساقتاۋ بولىمىندە جۇرەگى ءتورت رەت توقتاعان 65 جاستاعى ناۋقاستىڭ ءومىرىن ساقتاپ قالدى.
زەينەتكەر اۋرۋحاناعا اۋىر جاعدايدا تۇسكەن. دارىگەرلەر وعان وكپە ارتەرياسىنىڭ ترومبوەمبولياسى دياگنوزىن قويعان. بۇل — وكپە تامىرلارىنىڭ ترومبپەن بىتەلۋىنەن بولاتىن اسا قاۋىپتى دەرت.
ۆەدومستۆونىڭ حابارلاۋىنشا، جانساقتاۋ بولىمىندە ناۋقاستىڭ جاعدايى كۇرت ناشارلاپ، 20 مينۋت ىشىندە جۇرەگى ءتورت رەت توقتاعان. الايدا دارىگەرلەر دەر كەزىندە رەانيماتسيالىق كومەك كورسەتىپ، ءار جاعدايدا ناۋقاستى امان الىپ قالعان.
ناۋقاس ءبىر ايدان استام ۋاقىت جانساقتاۋ بولىمىندە ەم قابىلداعان. 7 مامىر كۇنى ونىڭ جاعدايى جاقسارىپ، ۇيىنە شىعارىلعان.
