سەۋلدەگى اپەللياتسيالىق سوت وڭتۇستىك كورەيانىڭ بۇرىنعى پرەمەر-ءمينيسترى حان دوك سۋعا قاتىستى ۇكىمدى قايتا قارادى. ونىڭ باس بوستاندىعىنان ايىرۋ مەرزىمى 23 جىلدان 15 جىلعا دەيىن قىسقارتىلدى، دەپ حابارلايدى «ادىرنا» ءتىلشىسى.
باستاپقىدا ول 23 جىلعا سوتتالعان بولاتىن. قاڭتار ايىندا حان دوك سۋ بۇرىنعى پرەزيدەنت يۋن سوك يولگە كومەكتەستى دەپ تانىلعان. يۋن سوك يول 2024 جىلدىڭ جەلتوقسانىندا مەملەكەتتىك توڭكەرىس جاساۋعا تالپىنىسى ءۇشىن سوتتالعان ەدى. پرەزيدەنتكە يمپيچمەنت جاريالانعاننان كەيىن حان دوك سۋ ونىڭ مىندەتىن ۋاقىتشا اتقارعان.
بۇلىككە كومەكتەسۋدەن بولەك، حان دوك سۋعا جالعان ايعاق بەرۋ، سونداي-اق رەسمي قۇجاتتاردى قولدان جاساۋ جانە جويۋ ايىپتارى تاعىلعان. ءىس بويىنشا سوت پروتسەسى 2025 جىلعى تامىزدان بەرى ءجۇرىپ جاتىر. بۇرىنعى پرەمەر تەرگەۋمەن ىنتىماقتاسۋدان باس تارتقان.
