Сеулдегі апелляциялық сот Оңтүстік Кореяның бұрынғы премьер-министрі Хан Док Суға қатысты үкімді қайта қарады. Оның бас бостандығынан айыру мерзімі 23 жылдан 15 жылға дейін қысқартылды, деп хабарлайды «Адырна» тілшісі.
Бастапқыда ол 23 жылға сотталған болатын. Қаңтар айында Хан Док Су бұрынғы президент Юн Сок Ёльге көмектесті деп танылған. Юн Сок Ёль 2024 жылдың желтоқсанында мемлекеттік төңкеріс жасауға талпынысы үшін сотталған еді. Президентке импичмент жарияланғаннан кейін Хан Док Су оның міндетін уақытша атқарған.
Бүлікке көмектесуден бөлек, Хан Док Суға жалған айғақ беру, сондай-ақ ресми құжаттарды қолдан жасау және жою айыптары тағылған. Іс бойынша сот процесі 2025 жылғы тамыздан бері жүріп жатыр. Бұрынғы премьер тергеумен ынтымақтасудан бас тартқан.
