فرانتسيا پرەزيدەنتى ماكرون ارمەنيانىڭ ساياسي باعىتى وزگەرگەنىن مالىمدەدى، دەپ حابارلايدى "ادىرنا" ۇلتتىق پورتالى جەرگىلىكتى باق-قا سىلتەپ.
فرانتسيا پرەزيدەنتى بۇل پىكىرىن نيكول پاشينيان قاتىسقان ەۋروپالىق ساياسي قاۋىمداستىق سامميتىندە ايتتى.
پرەزيدەنت ءوز سوزىندە ارمەنيا بۇرىن رەسەيدىڭ ىقپالىنداعى مەملەكەت رەتىندە قاراستىرىلعانىن، الايدا سوڭعى جىلدارى ەلدىڭ سىرتقى ساياسي باعىتى وزگەرگەنىن ايتقان. ونىڭ ايتۋىنشا، شامامەن سەگىز جىل بۇرىن حالىقارالىق قاۋىمداستىق ارمەنيانى رەسەيگە تاۋەلدى مەملەكەت رەتىندە قابىلداعان.
ماكرون 2018 جىلعى «بارقىت رەۆوليۋتسياسىن» ەسكە سالىپ، پاشينيان باستاعان رەفورمالار ەلدىڭ ىشكى ساياساتى مەن سىرتقى باعىتىنا اسەر ەتكەنىن جەتكىزدى. ونىڭ پىكىرىنشە، ارمەنيا بىرتىندەپ ەۋروپاعا جاقىنداۋ باعىتىن تاڭداعان.
فرانتسيا پرەزيدەنتى قازىرگى تاڭدا ارمەنيانىڭ حالىقارالىق دەڭگەيدە بۇرىنعىداي رەسەيدىڭ وداقتاسى رەتىندە ەمەس، دەربەس سىرتقى ساياسات جۇرگىزەتىن مەملەكەت رەتىندە قاراستىرىلاتىنىن اتاپ ءوتتى.
