مەملەكەت باسشىسىنىڭ جارلىعىمەن رومان سكليار قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
رومان سكليار 1971 جىلى 8 مامىردا پاۆلودار قالاسىندا دۇنيەگە كەلگەن. ەكونوميست جانە زاڭتانۋ ماماندىقتارى بويىنشا ماسكەۋ زاماناۋي بيزنەس ينستيتۋتى مەن قازاق قۇقىقتانۋ جانە حالىقارالىق بايلانىس ينستيتۋتىن بىتىرگەن.
1989-1990 جىلدار ارالىعىندا «ەكىباستۇزكومىراۆتوماتيكا» مونتاجداۋ-جوندەۋ باسقارماسىنىڭ مونتاجشى-سلەسارى، «كازپرومتەحمونتاج» وندىرىستىك-مونتاجداۋ باسقارماسىنىڭ ەكىباستۇز قۇرىلىس باسقارماسىنىڭ مونتاجشىسى بولىپ جۇمىس ىستەگەن. 1990-2002 جىلدارى كوممەرتسيالىق قۇرىلىمداردا ەڭبەك ەتكەن. 2002-2003 جىلدارى قر قارجى مينيسترلىگىنىڭ وتەۋگە شاماسى كەلمەيتىن قارىزدارىمەن جۇمىس جونىندەگى كوميتەتتىڭ پاۆلودار وبلىسى بويىنشا باسقارماسىنىڭ ءبولىم باستىعى قىزمەتىن اتقارعان. 2003-2005 جىلدارى پاۆلودار قالاسى بويىنشا مەملەكەتتىك ساتىپ الۋ باسقارما باستىعى، پاۆلودار قالاسى اكىمىنىڭ ورىنباسارى. 2005-2006 جىلدارى پاۆلودار قالاسى اكىمى اپپاراتىنىڭ باسشىسى، اكىم ورىنباسارى. 2006-2007 جىلدارى استانا قالاسىنىڭ اكىمى اپپاراتىنىڭ ينفراقۇرىلىمدى دامىتۋ ءبولىمىنىڭ مەڭگەرۋشىسى. 2007-2008 جىلدارى استانا قالاسىنىڭ ەنەرگەتيكا جانە كوممۋنالدىق شارۋاشىلىق دەپارتامەنتىنىڭ ديرەكتورى. 2008-2010 جىلدارى پاۆلودار وبلىسى اكىمىنىڭ ورىنباسارى. 2010 جىلعى قازاننان باستاپ 2011 جىلعى مامىرعا دەيىن پاۆلودار وبلىسى اكىمىنىڭ ءبىرىنشى ورىنباسارى بولىپ ەڭبەك ەتكەن. 2011-2013 جىلدارى قازاقستان رەسپۋبليكاسى كولىك جانە كوممۋنيكاتسيا ۆيتسە-ءمينيسترى.
2014-2016 جىلدارى «قازاقستان تەمىر جولى» اق ۆيتسە-پرەزيدەنتى. 2016 جىلى قر پارلامەنتى ءماجىلىسىنىڭ ءVى شاقىرىلىمىندا «نۇر وتان» پارتياسىنان دەپۋتات بولىپ سايلاندى. ەكونوميكالىق رەفورما جانە وڭىرلىك دامۋ كوميتەتىنىڭ توراعاسى بولدى. سول جىلعى مامىردا قر ەكونوميكا ۆيتسە-ءمينيسترى قىزمەتىنە تاعايىندالدى. 2017-2019 جىلدارى قر ينۆەستيتسيالار جانە دامۋ ءبىرىنشى ۆيتسە-ءمينيسترى.
2019 جىلعى اقپاننان بەرى قر يندۋستريا جانە ينفراقۇرىلىمدىق دامۋ ءمينيسترى قىزمەتىن، قازاقستان رەسپۋبليكاسى پرەمەر-ءمينيسترىنىڭ ورىنباسارى قىزمەتتەرىن اتقاردى.
«قۇرمەت» وردەنىمەن، «قازاقستان رەسپۋبليكاسىنىڭ تاۋەلسىزدىگىنە 20 جىل»، «استاناعا 10 جىل» مەرەيتويلىق مەدالدارىمەن ماراپاتتالعان.
ايتا كەتەيىك، بۇعان دەيىن پرەزيدەنت جارلىعىمەن ايبەك دادەباي پرەزيدەنت اكىمشىلىگىنىڭ باسشىسى قىزمەتىنەن بوساتىلعان.
