بىرىككەن اراب امىرلىكتەرى بيلىگى يران تاراپىنان راكەتالار مەن ۇشقىشسىز ۇشۋ اپپاراتتارى ارقىلى جاسالعان اۋە شابۋىلدارىنىڭ قايتا جاندانعانىن مالىمدەدى، دەپ حابارلايدى "ادىرنا" ۇلتتىق پورتالى Deutsche Welle-گە سىلتەپ.
مالىمەتكە سايكەس، يران ءبىر ايعا جۋىق ۋاقىتقا سوزىلعان بىتىمنەن كەيىن العاش رەت سوققى جاساعان. ءباا قورعانىس مينيسترلىگىنىڭ دەرەگىنشە، اۋە شابۋىلىنا قارسى قورعانىس جۇيەلەرى 12 بالليستيكالىق، ءۇش قاناتتى زىمىران مەن ءتورت دروندى قوسا العاندا، بارلىعى 19 نىساندى جويعان. شابۋىل سالدارىنان ەل-فۋدجايرا ايماعىنداعى مۇناي نىساندارىنىڭ بىرىندە ءورت شىقتى. ءۇش ءۇندىستان ازاماتى جاراقات الىپ، اۋرۋحاناعا جەتكىزىلگەن. قاۋىپسىزدىك شارالارى اياسىندا ەلدەگى مەكتەپتەر 5–8 مامىر ارالىعىندا ونلاين فورماتقا كوشىرىلدى.
ءباا سىرتقى ىستەر مينيسترلىگى بۇل ارەكەتتى «قاۋىپتى ەسكالاتسيا» دەپ باعالاپ، ەلدىڭ جاۋاپ قايتارۋعا تولىق قۇقىعى بار ەكەنىن مالىمدەدى. ال يران تاراپى مەملەكەتتىك تەلەارنا ارقىلى بۇل شابۋىلدارعا قاتىسى جوق ەكەنىن جانە مۇنداي جوسپار بولماعانىن حابارلادى.
