2023 жылғы қазан айынан бері Израиль армиясының Газа секторына жасаған шабуылдары салдарынан қаза тапқандар саны 72 612 адамға жетті, деп хабарлайды "Адырна".
Газа Денсаулық сақтау министрлігінің жазбаша мәлімдемесінде 2023 жылғы қазаннан бергі шабуылдар құрбандары туралы соңғы деректер келтірілген.
Соңғы 24 сағат ішінде Газа ауруханаларына 2 қаза тапқан адамның денесі және 9 жараланған адам жеткізілген.
2025 жылғы 10 қазанда күшіне енген атысты тоқтату режимінен бері Израиль шабуылдары салдарынан 832 адам қаза тауып, 2 354 адам жараланған, сондай-ақ үйінділер астынан тағы 767 адамның денесі шығарылған.
Жалпы, 2023 жылғы қазаннан бері қаза тапқандар саны 72 612 адамға, ал жараланғандар саны 172 457 адамға жеткені хабарланды.
Сонымен қатар, Газа секторында үйінділер астында әлі де мыңдаған адамның денесі қалып отырғаны атап өтілді.
