Astanada qoǧamdyq oryndardy lastaǧan ekı qyz äkımşılık jauapkerşılıkke tartyldy, dep habarlaidy "Adyrna" ūlttyq portaly.
Būl turaly elorda polisiia departamentı mälımdedı.
Polisiianyŋ deregınşe, oqiǧalardyŋ bırı Bäiterek monumentı maŋynda bolǧan. Qala tūrǧyny ışımdık qūiylǧan bötelkenı aşyp, onyŋ ışındegısın jan-jaqqa şaşyp, aumaqty lastaǧan. Taǧy bır jaǧdaida qyz oryndyqta otyryp, susyndy ädeiı tögıp, qoǧamdyq oryndy büldırgen.
Belgılı bolǧandai, qūqyq būzuşylar būl äreketterdı äleumettık jelıge arnalǧan äserlı kontent tüsıru maqsatynda jasaǧan.
Polisiia mūndai äreketterdıŋ zaŋǧa qaişy ekenın eskertıp, qoǧamdyq oryndardy lastau tek qūqyq būzuşylyq emes, sonymen qatar qala tūrǧyndary men kommunaldyq qyzmetkerlerdıŋ eŋbegıne degen qūrmetsızdık ekenın atap öttı.
