الماتىلىق وقۋشى دانا قادىربەك ۆەناداعى بۇۇ شتاب-پاتەرىندە Cleantech Days Forum 2026 فورۋمىندا الەمنىڭ ۇزدىك ءۇش جاس ونەرتاپقىشىنىڭ قاتارىنا ەندى. بۇل تۋرالى قالا اكىمدىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
11-سىنىپ وقۋشىسى اۋادان اۋىز سۋ الۋ بويىنشا ازىرلەمەلەردى ۇسىندى. تەحنولوگيا قۇرعاق جاعدايدا دا سۋ الۋعا مۇمكىندىك بەرەدى.
بۇعان دەيىن دانا حالىقارالىق بايقاۋلاردىڭ جۇلدەگەرى اتانىپ، سەۋلدە وتكەن WICO دۇنيەجۇزىلىك جاستار عىلىمي وليمپياداسىنىڭ التىن مەدالىن جەڭىپ العان ەدى.
«قازاقستاندا دا ونىڭ جوباسى قولداۋ تاپتى. ونەرتابىستى قۇرىلعىنى پيلوتتىق ەنگىزۋ تۋرالى مەموراندۋمعا قول قويىلدى، سونداي-اق دانا الماتى اكىمىنىڭ سىيلىعىمەن ماراپاتتالدى. ونىڭ جەتىستىكتەرى گيمنازيا تاريحىنا جازىلدى جانە جاقىن ارادا ەلدىڭ ءشولدى ايماقتارىنداعى سۋمەن جابدىقتاۋ جۇيەسىن وزگەرتۋى مۇمكىن»،-دەپ جازدى اكىمدىكتىڭ ءباسپاسوز قىزمەتى.
ەسكە سالايىق، بۇعان دەيىن دانا قادىربەك زاماناۋي نانوماتەريالداردى قولدانا وتىرىپ، اتموسفەرا سۋ جينايتىن قۇرىلعى ويلاپ تاپقان ەدى.
