قازاقستاننىڭ حالىق جازۋشىسى مۇحتار شاحانوۆ ءوزى وسيەت ەتكەن جەر – وتىرار وڭىرىندەگى ارىستانباب كەسەنەسىنىڭ ىرگەسىنە جەرلەنەتىن بولدى. بۇل تۋرالى اقىننىڭ جيەنى قايىرحان بالعابەكوۆ ءمالىم ەتتى، دەپ حابارلايدى “ادىرنا”.
«اللاعا سانسىز شۇكىر، اتامنىڭ سوڭعى اماناتى ورىندالاتىن بولدى. اتامىز وتىراردا جەرلەنەدى»، - دەپ جازدى ول.
سونداي-اق، قازاقستان جازۋشىلار وداعى استانا فيليالىنىڭ باسشىسى باۋىرجان باباجانۇلى بۇل اقپاراتتى راستادى.
ايتا كەتسەك، مارقۇمدى شىعارىپ سالۋ ءراسىمى 21 ءساۋىر كۇنى ساعات 9:00-دە الماتى قالاسىنداعى اباي اتىنداعى وپەرا جانە بالەت تەاترىندا وتەدى. ال دەنەسى 22 ساۋىردە ارىستان باب كەسەنەسىنىڭ ماڭىنداعى اكادەميك ومىرزاق ايتباەۆ پەن كوپەن امىربەك جەرلەنگەن زيراتقا قويىلادى.
بۇعان دەيىن مارقۇمدى الماتىداعى «كەڭساي-2» زيراتىنا جەرلەنەتىنى حابارلانعان ەدى. دەگەنمەن، بۇعان جەلى قولدانۋشىلارىنىڭ ءبىرازى قارسىلىق ءبىلدىردى.
ەسكە سالا كەتەيىك، اقىننىڭ جارى حانشايىم شاحانوۆا مەملەكەت باسشىسىنا جولداعان ءوتىنىش حاتىندا مۇحتار شاحانوۆتىڭ سوڭعى اماناتى – ونى اتا-بابالارىنىڭ كيەلى مەكەنى وتىرار وڭىرىندەگى ارىستانباب كەسەنەسىنىڭ ىرگەسىنە جەرلەۋ ەكەنىن ايتقان بولاتىن.
