قازاقستاننىڭ بەلگىلى عارىشكەرى تالعات مۇساباەۆپەن قوشتاسۋ ءراسىمى 6 تامىزدا وتەدى. بۇل تۋرالى الماتىداعى قارۋلى كۇشتەر ارداگەرلەرى رەسپۋبليكالىق قوعامدىق بىرلەستىگى مالىمدەدى، دەپ حابارلايدى “ادىرنا”.
مالىمەت بويىنشا، قوشتاسۋ ءراسىمى 6 تامىز كۇنى ساعات 09:00-دە الماتى قالاسىنداعى وفيتسەرلەر ۇيىندە وتەدى. ودان كەيىن 28 گۆاردياشى-پانفيلوۆشىلار اتىنداعى ساياباقتا ميتينگ ۇيىمداستىرىلادى. تالعات مۇساباەۆ كەنساي زيراتىندا جەرلەنەدى.
ەسكە سالايىق، كەشە قازاقستاننىڭ عارىشكەرى تالعات مۇساباەۆتىڭ قايتىس بولعانى بەلگىلى بولدى. مەملەكەت باسشىسى قاسىم-جومارت توقاەۆ اتى اڭىزعا اينالعان ۇشقىش-عارىشكەردىڭ قايتىس بولۋىنا بايلانىستى كوڭىل ايتتى.
تالعات مۇساباەۆ 1951 جىلدىڭ 7 قاڭتارىندا الماتى وبلىسى جامبىل اۋدانى، فابريچنوە اۋىلىندا دۇنيەگە كەلگەن. ول – قازاقستاننىڭ حالىق قاھارمانى، اۆياتسيا گەنەرال-لەيتەنانتى، تەحنيكا عىلىمدارىنىڭ دوكتورى. 2007–2016 جىلدارى قازاقستاننىڭ ۇلتتىق عارىش اگەنتتىگىنىڭ توراعاسى، 2017–2023 جىلدارى قازاقستان رەسپۋبليكاسى پارلامەنتى سەناتىنىڭ دەپۋتاتى بولدى.
