بەلگىلى اقىن، قازاقستاننىڭ ەڭبەك ەرى، حالىق جازۋشىسى مۇحتار شاحانوۆتىڭ سوڭعى اماناتى جاريالاندى, دەپ حابارلايدى «ادىرنا» ءتىلشىسى.
حاتتى الەۋجەلىگە Uzhdan جوباسىنىڭ جەتەكشىسى نازەركە شاكىرباي جۇكتەگەن. ول اقىن ءحال ۇستىندە جاتقاندا جارى حانشايىم شاحانوۆانىڭ پرەزيدەنت قاسىم-جومارت توقاەۆقا حات جولداعانىن ايتتى.
«مۇحتار شاحانوۆ – تەك اقىن عانا ەمەس، ول ۇلتتىق نامىستىڭ سيمۆولى، قازاق رۋحانياتىنىڭ اسقار شىڭى، سانالى عۇمىرىن ەلىنىڭ ازاتتىعى مەن انا ءتىلىنىڭ مارتەبەسىنە ارناعان ءىرى تۇلعا. وسىنداي سىن ساعاتتا اقىننىڭ ەڭ سوڭعى ءارى ماڭىزدى اماناتى — ءوزىنىڭ ماڭگىلىك تىنىس تاباتىن جەرى رەتىندە اتا-بابالارىمىزدىڭ كيەلى مەكەنى، وتىرار وڭىرىندەگى ارىستانباب كەسەنەسىنىڭ ىرگەسىنە جەرلەنۋ»،– دەلىنگەن حاتتا.
حانشايىم شاحانوۆا بۇل باستامانىڭ تەك وتباسىنىڭ عانا ەمەس، ەل اعالارى مەن زيالى قاۋىم وكىلدەرىنىڭ ورتاق تىلەگى ەكەنىن اتاپ ءوتتى. ودان بولەك، اتالعان نىساننىڭ رەسپۋبليكالىق ماڭىزى بار تاريحي-مادەني ەسكەرتكىش ەكەنىن تولىق تۇسىنەتىنىن ايتىپ، جەرلەۋ جانە مۇمكىن بولاتىن مەموريالدىق بەلگى ورناتۋ جۇمىستارى قازاقستاننىڭ قولدانىستاعى زاڭناماسىنا تولىق سايكەس جۇرگىزىلەتىنىنە كەپىلدىك بەرەتىنىن جەتكىزدى.
ەسكە سالايىق، حالىق جازۋشىسى مۇحتار شاحانوۆ 19 ءساۋىر كۇنى 84 جاسقا قاراعان شاعىندا دۇنيەدەن وزدى.
