مەملەكەت باسشىسى قاسىم-جومارت توقاەۆ ەلدەگى پراۆوسلاۆ وكىلدەرىن پاسحا مەرەكەسىمەن قۇتتىقتادى، دەپ حابارلايدى "ادىرنا".
ونىڭ ايتۋىنشا، حريستيان جىلناماسىندا ەرەكشە ورىن الاتىن بۇل مەرەكە ءۇمىت پەن سۇيىسپەنشىلىكتىڭ، رۋحاني جاڭارۋدىڭ سيمۆولى سانالادى. پاسحا مەيرامىندا جانە وعان دايىندىق كەزەڭىندە جاناشىرلىق، مەيىرىمدىلىك، تاتۋ كورشىلىك، ءوزارا كومەك قاسيەتتەرى ەل ىشىندە كەڭىنەن دارىپتەلەدى.
"پراۆوسلاۆ قاۋىمى قوعامدا ادىلدىك، بەيبىتشىلىك، كەلىسىم، توزىمدىلىك جانە سەنىم قاعيداتتارىن قالىپتاستىرۋعا ەلەۋلى ۇلەس قوسىپ كەلەدى. ۇرپاقتان ۇرپاققا جالعاسقان پاسحا ءداستۇرى وتباسىنداعى ىنتىماقتى ساقتاۋعا جانە ادامگەرشىلىك قارىم-قاتىناستى نىعايتۋعا ىقپال ەتەدى، ۇلكەنگە قۇرمەت كورسەتىپ، جاقىنىڭا جاناشىر بولۋعا باۋليدى", - دەدى توقاەۆ.
ۇقساس جاڭالىقتار
